Abu Dhabi: Dubai ke baad Abu Dhabi aur Sharjah mein bhi Shopping Malls kholnay ki mehdood ijazat day di gayi hai. Coronavirus ke baais mutahidda Arab Emarat mai sakht hifazati tadabeer mein narmi ke baad tijarti sar garmioun ki marhala waar bahaali ka aaghaz bhi ho raha hai. Tafseelaat ke mutabiq Abu Dhabi ke 3 baday Shopping Malls khole gaye hain taham intizamia ko hifazati tadabeer ke tehat hidayat di gayi hai ke gunjaish se 30 feesad ziyada gahakoun ka istaqbaal nah kiya jaye.
Tamam Shopping Malls ke darwazoun par anay walay gahkoun ka muaina kiya jayega jabkay Sanitizer, Mask aur dastanay pahannay ki pabandi ki jaye gi. Doosri taraf Sharjah mein Shopping Malls ko marhala waar kholnay ki ijazat di gayi hai. Sharjah hukoomat ne tamam Shopping Malls ko ahteyati tadabeer ikhtiyar karne ki hidayat ki hai. Dukanoun mein kisi qisam ki offer nahi lagai ja sakti neez farokht honay wala samaan na qabil wapsi hoga. –YTN STAFF