Hyderabad : Baap aur beta ka Rishta shayad is kaayenaat ka ek taaqatwar rishta hota hai kyunkay yeh ek aisa rishta hota hai jahan pehlay baap bachpan mein apne betay ko zindagi guzaarne ke har gun seekhta hai aur phir wohi beta apne baap ke boodha pay mein sahara bantaa hai lekin kabhi aisa hota ke betay ke qatal mein baap ko qaid ki saza bhi hojati hai.
Aisa hi ek waqea Hyderabad mein paish aaya jis mein ek 63 sala shakhs jis par 2018 mein Needermet mein apne sharaabi aur bad sulooki karne walay betay ke qatal ka ilzaam tha use 7 saal ki sakht qaid ki saza sunai gayi hai.
Mujrim Mohan Rao Naidu ki ahliya usha rani ki un ke betay Mahndar naidu ke qatal ke chasham deed gawah ki hesiyat se adalat mein gawahi is ke jurm ko saabit karne mein mazboot saboot bana.
Gas agency mein delivery boy ki hesiyat se kaam karne wala Mahendar mulazmat khonay ke baad sharaab noshi ka aadi hogaya tha. Wo nashay ki haalat mein ghar wapas aata aur aksar apne walidain se jhagda karta tha. Mohan rao ne inhen iske liye naseehat ki. Waqiya ke din jo Rachkonda police ki hudood mein paish aaya, iske walid iske dost krishnam Raju aur Mahendar sharaab piye.
Kuch der baad nashay mein Mahendar ne mohan rao ke sath ek behas chadhayi aur usha rani ke sath zyad-ti ki. Pareshan hokar mohan rao apne ghar lout aaye. Chand ghantay baad Mahendar bhi wapas agaya. Jaise hi is ne darwaaza khatkhataya, mohan rao chura lee kar bahar aaya aur usay seenay aur pet mein chaako se waar kiya, jisse woh mauqa par hi halaak hogaya. jiske baad baap ko girftar karliya gaya aur charge sheet dair kar di gayi. XVI ke additional district judge ne baap ko qasoorwar paaya aur usay 600 rupay jurmane ke sath saat saal ki sakht qaid ki saza sunai.