Karim Nagar: Ek aisay waqt jab coronavirus ki rokk thaam ke liye baydaari muhim baday pemana par mukhtalif tanzeemoun aur idaroun ki janib se chalaye jarahi hai, Telangana ke zila Karim Nagar ki ek sharaab ki dukaan ke maalik ney anokhi muhim muta-arif ki hai. Is dukaan maalik ney apni dukaan ke baher Telugu zabaan mein ek Banner lagaya hai jis mein is ney likha ”Aap ke liye har bottle par ek Mask muft. Har 2 Bottles par 1 Face Shield Protector muft“.
Is anokhi muhim ke zareya is ka maqsad kaarobar mein izafah karna hai. Ye dukaan zila ke Vidyanagar mein hai. Is anokhi pehal ki sharaabii bhi sataish kar rahay hain. Is ka kehna hai ke dukaan ko sharaab ki kharidari ke liye anay waloun ko chahiye ke wo Mask ka istemaal karen isi liye is nay anokhi pehal shuru ki hai. Is ka kehna hai ke is anokhi pehal se is ke karubar main izafah huwa hai.