Hyderabad: In dono Bollywood aur tv duniya mein big boss ke winner sidharth Shukla ki maut aur uske baad Shahnaz gill ki halat mauzoo behas bana huwa hai neez adakar ki maut aur aakhri rusoomat ke dauran media ki tarz rasai ku bhi shadeed tanqeed ka nishana banaya ja raha hai. mashhoor aur bohut pasand kiye jaane wale teli vision adakar sidharth Shukla 2 september ko inteqal kar gaye jis se unke madaho afraad e khandan aur tafreehi bradri ko gehra sadma pohuncha. adakar ki umar sirf 40 saal thi aur unki achanak maut ko qubool karna asaan nahi hain taa hum ek shaqs jiske liye yeh nuqsan kise ke tasawwur se bhi bada hai woh uski khatoon Shahnaz gill hain. ittelaat ke mutabiq adakara sidharth ki maut ki subha se hi tashweesh nak halaat mein payi ja rahi hain. adakara Shahnaz gill isi subha se hi khoyi khoyi rehne lagi hai.
Is mushkil waqt mein Shahnaz ka bhai Shahbaz unke Shana ba Shana hai. iske alawa Sidharth ki walida jo ke pichle kuch dino se saamne aane wali tamaam cheezon ke darmiyan na qabil e yaqeen hadd tak mazboot hain Shahnaz ki dekh bhaal kar rahi hai. zaraye ke mutabiq adakara ki halat bohut kharab hai.is nuqsan ka koe muqaabla nahi hain aur Shahnaz kuch din aur sog mein raheigi. afsos ki baat hai ke woh achi tarha so nahi rahi nahi kha rahi hai aur ba mushkil kisi se baat kar rahi hai use is halaat mein tanha choda ja sakta aur Sidharth ki maa uske liye mazboot ban kar khadi huwi hai aur is aazmayesh ke marhale mein uska saath bilkul nahi chod rahi hain.adakara Shahnaz ke shamshan ghat ke manzar ne sab ko hairan aur dang kar diya aur yeh tasawwur karna mushkil hai ke woh kisi halat se guzar rahi hogi. Filmi duniya ne kaha hai ke hum sirf Shahnaz ki zindegi ke is mushkil tareen marhale mein behtari ki umeed kar sakte hain.