Lahore : Pakistani cricket team ke sabiq captain Shahid afridi apni sawanah hayaat ( kitaab ) game changer mein parday ke peechay badey mamlaat samnay le aeye hain, Spot fixing tanaza se mutaliq sabiq cricketer ne apni kitaab mein kaha hai ke qabal az waqt pata chal jane ke bawajood team managment ne koi karwai nah ki .
Team ke sabiq coach Waqar Younus ko darmiyanay darjay ka coach qarar dete hue kaha ke unke sath taluqaat hamesha ikhtilaaf ka shikaar rehtay they. Shoiab malik buray logon se buray mashwaray leta tha. Shahid Afridi ki kitaab game changer ki taqreeb rehnumayi 4 May ko Karachi mein hogi, iske matan se mutaliq samnay anay tafseelaat mein Shahid Afridi ki Umar ko cricket hukkaam ne mutanazia bana diya tha, unhein career ke pehlay test match se pehlay practice bhi nahi karwai gayi. sabiq captain ke mutabiq aanjhani Bob miller ne numaindagi ke liye unki bohat hosla afzai ki taham coach Waqar Younus se taluqaat hamesha ikhtilafat par mubni rahay .
Afridi ne Waqar Younus ko khauf naak coach kehte hue darmiyanay darjay ka nigran qarar diya. Spot fixing se mutaliq Shahid afridi ne apni kitaab mein bayan kiya hai ke unhein spot fixing scandal ka bohat pehlay ilm hogaya tha, Mazhar Majeed ne phone marammat ke liye London mein ek dukaan par diya tha jis se Pakistani khiladion ko kiye gay paighamaat miley. intizamia ko sabot dekhaay lekin koi karwai nahi hui, paighamaat Waqar Younus , Sayeed ko bhi rawana kiye. Shahid Afridi ke mutabiq team managment khaufzadah tha ya usay mulk ke Waqar ka khayaal na tha. Yawar sayeed ne woh paighamaat dekh kar be basi ka izhaar kiya lekin paighamaat ki copy mangnay ki zahmat bhi na ki. kitaab ke matan ke mutabiq Abdul Razzaq ne bhi Salman , Aamir aur Asif par shak ka izhaar kiya tha. is sorat e haal mein Shahid afridi ne Lords test ke douran captani chodne ka faislah karliya tha. kitaab mein Shoiab malik se mutaliq kaha gaya hai ke woh captani ke liye foot nahi they, ek mauqa par Shoiab malik ko captain aur Salman Butt ko naib captain banana ghalat iqdaam tha kyunkay Shoiab malik buray logon se buray mashwaray laita tha . –YTN STAFF