New Delhi: Delhi ke Shaheen Bagh mein CAA ke khilaaf ehtajaji muzahira jari hai. Shaheen Bagh mein muzahira kar rahay logoun se baat cheet ke baad muzakrah karoun ne apni mohar band Report Supreme Court ke hawalay kar di hai. Peer ke roz Report milnay ke baad Supreme Court ne muamlay ki samaat ke liye aindah tareekh 26 Feb muqararki. ab charshumbe ko is muamlay mein agli samaat hogi.
Qabil zikar hai ke Shaheen Bagh mein muzahira ke baad Delhi ko Noida se jodnay wali sadak band hai. Is par Supreme Court mein arzi daakhil ki gayi hai. Is par samaat karte huve Supreme Court ne Sanjay Hegde, Sadhana Ramachandran aur Wajahat Habibullah ko muzakrahkar muqarar kiya tha. Sanjay Hegde aur Sadhana Ramachandran ne Shaheen Bagh ja kar muzahireen se kayi martaba baat cheet bhi ki. Kaafi ghhor o khoz aur Shaheen Bagh ke aas paas ke ilaaqoun ka jaiza lainay ke baad tenu muzakrah karoun neh apni Report Supreme Court ko sonpi.
Is se qabal itwaar ko hi muzakrah karoun ki madad kar rahay sabiq Information Commissioner Wajahat Habibullah ne Shaheen Bagh mein sadak band ke mutaliq ek halaf nama daakhil kiya tha. Halaf naame mein Wajahat Habibullah ne sadak band honay ke liye Police ko zimma daar thehraya hai. Unhoun ne kaha ke CAA ke khilaaf Shaheen Bagh mein muzahira pur aman chal raha hai. Police ne Shaheen Bagh ke aas paas 5 raston ku band kar rakha hai jis ki wajah se awam ko pareshani ho rahi hai.
Wazeh rahay ke CAA. NRC ke khilaaf guzashta 15 December ku Jamia Nagar mein huve pur-tashaddud muzahira ke baad se Delhi . Noida ko jodnay wali sadak par Shaheen Bagh ilaqay mein ehtajaji muzahira chal raha hai. –YTN STAFF