Riyadh: Khadim Harmain Sharifin Shah Salman Bin Abdalaziz Surgery ke baad sahet yab hokar King Faisal Specialist Hospital se rukhsat hogaye hain. Saudi khabar-rasan idaray SPA ke mutabiq ewaan Shahi ney bayan jari karkay bataya hai ke Shah Salman 30 July ko Allah taala ke fazl-o-karam se sahet yab hojane par King Faisal Specialist Hospital Riyadh se rukhsat kiya gaya hai.
Awan Shahi neh apna bayan is duaiya jumlay par khatam kiya ke Allah taala Shah Salman ki hifazat kere. Inhen har takleef se apni panah mein rakhay aur inhen sahet-o-aafiat se nawazta rahay. Awaan Shahi neh 23 July ko ittila di thi ke Shah Salman neh King Faisal Specialist Hospital mein pattay ka operation karwaya hai jo operation kamyaab raha hai.
Awaan Shahi ke bayan mein ye bhi bataya gaya tha ke khadim Harmain Sharifin mualij team ke mashwaray par kuch waqt Hospital mein guzaraian ge. Yaad rahay ke Shah Salman 20 July paiir ko pattay mein soozish par muaina jaat ke liye King Faisal Specialist Hospital mein daakhil hue they.