Hyderabad: Shadi mein ek jhagda aam baat hain kyunkay to-to mein-mein ke bina shadi ka kaam mukammal nahi hota aisa khayaal kiya jata hai lekin jab mamooli baat par kisi ka jaan chali jaye yeh intehai afsos ki baat maani jati hai aisa hi ek waqay yadgir-bhongir mein paish aaya jahan mutton saalan par hona walay jhagray ne 1 shakhs ki jaan leli. police ne kaha ke shadi ke mauqa par mutton saalan ke munasib tareeqay se paish nahi kiye jane ke baad honay wale ek jhagray may 1 shakhs ki mout hogayi aur ek aur shadeed zakhmi hogaya.
Police ne kaha ke ye waqea yadgir bhongir zila mein pesh aaya jis mein 35 sala shaks ki mout hogayi aur iska bhai zakhmi hogaya jab un par parveen aur kashtiya ne kulhaadi aur laathi se hamla kiya. takheer se mossola ittila ke mutabiq ye waqea mangal ki raat der gaye zila ke motkur mandal ke dacahram gaon mein paish aaya. Dacharma gaon ke tati malo mahesh ne zila jangaon ke pakila gaon ki ek ladki se shadi ki. dulha ke rishta daar pakala gaye. Dacharam ke rehaishi suaram jo shadi ki taqreeb mein shareek tha is ne shikayat ki ke dulhan ke ahal-e-khanah ne mehmanon ke sath munasib sulooq nahi kiya.
Wo nalan tha ke shadi ke douran saalan ke sath mutton ke tukron ko paish nahi kiya gaya. is ki is muamlay par gaon ke ek buzurag se behas hui. dosray mehmanon ne inhen pursukoon karne ke liye mudakhlat ki. gaon wapas anay ke baad venakatiya ne ek baar phir chandraiy ke sath behas ki. takraar ke douran, venkatiya ke betay parveen aur kashitya ne ghusse mein aakar ramulu aur nagarju par kulharihyon se hamla kiya. Ramulu aur nagarjau dono ko shadeed chouten ayen aur inhen bhongir ke sarkari hospital muntaqil kardiya gaya. taham ramulu ne rastay mein hi dam toar diya jabkay nagarjau ko baad mein hyderabad ke khangi dawakhana muntaqil kardiya gaya. Assistant sub inspector of police ne kaha hum ne mutasirah afraad ke ahal khanah ki shikayat par qatal ka muqadma darj kiya hai aur tafteesh shuru kardi hai.