Hyderabad : Shehar Hyderabad mein guzishta haftay se lagataar horahee barish ke baais mutadid ilaqoun mein pani jama hogaya aur sadkhein jheel mein tabdeel hogayi hain.
Mangal ke din bhi barish mein koi kami nahi hui hai aur shaam ke auqaat mein dono shehroun mein shadeed aur taqreeban ek se daidh ghanta barish hui aur shaam ke waqt honay wali is barish ki wajah se log jo ghar lout rahay they sadkoun par pani pani jama honay se baday paemanay par traffic jam mein phas gaye.
Jabkay guzashta mah tak riyasat mein barish mein kami record ki gayi thi lekin ab khittay mein haliya haftoun mein mousladhar barish ne is baat ko yakheeni banaya hai guzashta mahino mein barish mein jo kami hui thi is ki pabajayi hojayegi. fil haal, TSDSPCL ke adaad wo shumaar se pata chalta hai ke Nizamabad, Warangal ( Urban ) aur Srisaila azlaa mein ziyada barish hui hai, jabkay baqi azlaa mein barish mamool ke mutabiq hai. –YTN STAFF