Ankara: Roosi afwaj ke sath tassadum ke baad Shaam mein apni fouj ki mojood gi ko badhaane ke America ke faislay ne Turkey Roos aur Iran ko jari kardah apne pegham se tashweesh peda kar di hai, Kyunkay Washington khittay mein apne earzi kirdaar ko taqwiyat dainay ki koshish kar raha hai. Taham mahireen ne kaha hai ke taaqat ke muzahiron se mashriqi hissay mein jamood ko tabdeel karne ka imkaan nahi hai, Jis par pehlay hi Americi aur Shaam ki Kurdish forces ka ghalba hai.
Is ilaqay mein pehlay hi mojood 500 fojion ke ilawa, America ne 6 baktar band Bradley Fighting gadiyan aur mazeed 100 fojion ko Shaam khittay mein tainaat kiya hai jis ki tarjamani Roos ko un ilaqon mein mudakhilat se roknay ki koshish ke tor par ki gayi hai jahan Americi aur Kurd fouj mushtarqa tor par shamil hain. Guzashta mah ek waqeye ke douran 7 Americi fouji zakhmi hue thay jis mein Roosi baktar band gaari Americi fouj ki gasht wali gaadi se takra gayi thi.
Roos aur Turkey ne 15 aur 16 September ko Ankara mein Shaam ki sorat-e-haal ke baray mein baat cheet ka ek naya daur shuru kiya taham woh baghion ke zair qabza soobay Idlib mein moakhar az zakr ki fouji mojoodgi ko kam karne ke baray mein koi ittafaq raye haasil karne mein nakaam rahay, Jahan 20 hazaar se ziyada Turk fouj tainaat hai.
Roos tawaqqa karta hai ke dono fojion ke mabain pichlle muahiday ki ro se Turk fouj M4 Highway ke janoobi ilaqon se dastbardaar hojaye gi lekin Ankara mein hukkaam is se dastbardaar honay ko tayyar nahi hain kyunkay woh YPG afwaj ke manbij aur Tel Rifaat shehron ko saaf karna chahtay hain.
Ek azad Strategic Risk Consultant aur Roosi bain ul aqwami umoor council mein ke maahir Alexey Khlebnikov, ne kaha ke Turkey ko mumkina tor par Idlib mein taayun ke baray mein Roos ke sath muahiday takmeel ke badlay mein kuch haasil karna hoga.
Unhoun ne kaha Moscow chahta hai ke Ankara M4 shahrah ke junoob se apni faujein nikalay kyunkay March mein dono fareeqon ne is baat par ittafaq kiya tha. Oxford University ke mashriq wasti ke tajzia nigaar Samuel Ramani ke mutabiq izafi Americi afwaj ki taenati se Turkey aur Roos ke mabain honay wali baat cheet par assar pade ga ya un ke taluqaat ki harkiyaat mein raddo badal ka imkaan nahi hai.
Unhoun ne kaha yeh bunyadi tor par Roos ko ek allamti intibah hai ke woh Shaam mein Americi afwaj ko harasan nah kere aur usay nuqsaan nah pouncha sakay lekin Roosi jarhiyat ko roknay ke liye un ki salahiyat bhi mehdood hai, Kyunkay Moscow ko bohat par aetmaad hai ke America Shaam ke tanaze mein khud ko ziyada geherai mein ghaseetnay ke bajaye Shaam se dast bardari ka intikhab kere ga jab tak ke Donald Trump ke sadar rahay.