New York: Sabiq aalmi number ek Americi Tennis Star Serena Williams nay US Open ke Semifinal mein rasai ki raah mein mojood Tsvetana Pironkova ku sakht muqablay ke baad shikast di. Season ke aakhri Grand Slam US Open Semifinal mein 14 we martaba rasai se qabal Williams nay Quarter Final mein Pironkova ke khilaaf 4-6, 6-3, 6-2 se kamyabi haasil ki.
US Open mein 6 martaba khitaab haasil karne wali Serena Williams neh quarter final mein saathi Pironkova ko shikast dainay ke baad khoshi ka izhaar kiya. Serena neh kaha hai ke mujhe khoshi hai ke mein yahan khaday hokar aap ke sath baat kar rahi hon. Kabhi haar nahi maani. Serena neh kamyabi ke baad mazeed kaha ke yeh kamyabi zahir karti hai ke mein kitni sakht hain. Aap ek bachay ko janam dete hain jis ke baad bhi aap kuch bhi kar saktay hain.
Semifinal mein Serena ka muqaabla sabiq aalmi number ek Belarusia ki Victoria Azarenka se hoga jinhon ney apne quarter final mein Elise Mertens ko raast sets mein ba aasani 1-6, 0-6 se shikast di. Serena aur Victoria ke darmain muqaabla ka mawazna 4-18 hai lekin kayi aisay muqablay bhi rahay jis ka nateeja teesray set mein haasil huwa jabkay 2012 aur 2013 ke US Open Final mein Serena ko kamyabi ke liye 3 Sets ki sakht jad-o-jehad karni padi thi. Dono khiladion ka haliya form bhi barabar hi hai kyunkay ek janib Serena maa ban’nay ke baad apna pehla Grand Slam k kisi Grand Slam ke Semifinal mein rasai haasil ki hai.
Mard zamray ke quarter final mein is martaba khitaab ke liye sab se ziyada pasandeda khiladi Dominic Thiem ney Alex de Manor raast sets ke quarter final mein shikast di. Thiem ney apne hareef ko 6-2, 6-1, 6-4 se shikast di. Yeh quarter final muqaabla 2 ghantay taweel raha jis mein Thiem ko kamyabi ke liye koi sakht jad-o-jehad nahi karni padi.