Hyderabad: Shehar Hyderabad mein selaab ki wajah se kayi ghar hanooz apne baazyabi ke marhalay se guzar rahe hain jabkay har saal Monsoon mein barish ka pani sadkon par jama hona aur raastoon ka masdood hojana ek mamool hai lekin aisa lagta hai ke reyasti hukoomat is ke mustaqil hal ke liye sanjeeda hai.
Sadkon ke darmiyan barish ke pani ko jama honay se roknay ke liye Greater Hyderabad Municipal Corporation ( GHMC ) shehar mein tufaan ke pani ki nikasi ke liye Pipe lines bichaya gi. Yeh mansoobah haliya selaab se barish ka pani aur un ki tabahi se awam ki pareshani aur hukoomat ki janib se inhen faraham ki jane wali madad mein darmiyani logon ki dhandalyon ke baad wazeer KT Rama Rao ke mushahiday ki bunyaad par shuru kiya ja raha hai.
Wazeer ne GHMC Commissioner DS Lokesh Kumar ku hidayat di hai ke munasib waqfon par 600 millimeter RCC ke saada Pipes laga kar pani ki nikasi ko yakeeni banayen. GHMC Engineering hukkaam un maqamat ki nishandahi karen ge aur pipe lines ko tarjeehi bunyadon par bichhaya jaye ga. Doosri janib kayi ilaqon mein pani ki sarbarahi masdad hogi. PVNR Express Way ke mujawaza down road ramp ki taamer mein sahoolat faraham karne ke liye malirdeopalli se Tolichowki tak MS Krishna Drink Water Supply ke fees 2 rang mean mein jari kaam ki wajah se October ki 31 subah 6 bajey se 24 ghantay tak pani ki farahmi nahi hogi shehar ke kuch ilaqon mein yakam November ko subah 6 bajey tak bhi pani ki sarbarahi masdood rahay gi.
Jin ilaqon mein pani ki sarbarahi masdood rahay gi woh Mehdipatnam, Karwan, Longer Houz, Kakatia nagar, Humayun nagar, Tallagadda, Asif Nagar, MES, Shaikpet, Oyu Colony, Tolichowki, Mallepally, Vijay Nagar Colony, Bhojagutta, Jiaguda, Red Hills, Secretariat, Old MLA Quarters, Allanda , Himayat Nagar, Budwel, Hyderguda, Rajendranagar, Upparpally, Suleiman Nagar, MM Pahadi, Attapur, Chintalmet, Kishanbagh, Gandhanguda aur Kishmatpur hain.