New Delhi: Mandoli Jail intizamia ne jumaraat ke roz Seelampur tashadud case ke 1 mulzim ke tibbi ilaaj se mutaliq report pesh ki. Karkardooma adalat ke ro baroo dair apni report mein, Ohdedaroun ne kaha hai ke mulzim Moinuddin ”Is ke dayen haath ke phatnay se zakhmi huva tha“.
Report mein kaha gaya hai ke usay 20 decemeber ko Central Jail, Mandoli laya gaya tha aur aglay hi din Jail ki OPD mein janch padtaal ki gayi aur zaroorat ke mutabiq ilaaj kiya gaya tha. Report mein ye bhi daawa kiya gaya hai ke mulzim ko dayen haath mein dard ki shikayat par 23 decemeber ko ortho emergency GTB hospital referred kiya gaya tha, Jahan is ka GTB hospital mein tafseeli muana kiya gaya aur zaroorat ke mutabiq ilaaj faraham kiya gaya.
”Is ka 26 decemeber ko Jail OPD mein muaina kiya gaya. Moinuddin ne apne dayen haath par honay walay zakhamo ke ilaaj mualjay ke liye darkhwast di thi. Delhi police ne Seelampur mein 17 decemeber ko shehriat tarmeemi qanoon ke khilaaf par tashadud ehtijaj ke baad 14 afraad ko giraftar kiya tha aur inhen 14 dinoun ki adalti tehweel mein bhaij diya tha. –YTN STAFF