Thursday, March 28, 2024
HomeHyderabadSecunderabad ke muslim raye dahindgaan ka ittehaad kisi bhi UmeedWar ki...

Secunderabad ke muslim raye dahindgaan ka ittehaad kisi bhi UmeedWar ki Qismat badalne ke liye kaafi

Hyderabad: Secunderabad Lok Sabha nishist par muslim raye dahindoun ki ahmiyat badshah gir muaqqaf mein hai kyunkay yahan muslim raye dahindoun aur unke baad yadav raye dahindoun ki ahmiyat kaafi ziyada hai.

Secunderabad mein 7 assembly halqay hain jin mein kam azkam teen taa chaar assembly halqon mein muslim raye dahindoun ki tadaad ziyada honay ki wajah se yahan se lok sabha nishist par muslim raye dahindoun ka vote badshah gir muaqqaf ikhtiyar karsaktha hai. Secunderabad mein chand ilaqay kaafi Ameer tareen ilaqon mein shumaar kiye jatay hain jo ke Secunderabad, jubilee hills aur Khairtabad hain is ke ilawa naampeli aur Musheerabad mein bhi muslim raye dahindoun ki tadaad kaafi ziyada hai jabkay is ke baad dosray number par Yadav tabqa apni ahmiyat ko ujagar karta hai .

Secunderabad halqa se maazi mein congress aur BJP ne muslim aur Yadav raye dahindoun ki qowat ki wajah se apne umeedwaron ki kamyabi haasil ki hai lekin is martaba lok sabha intikhabaat ke liye TRS assembly intikhabaat mein apni shandaar kamyabi ke baad koshish kar rahi hai ke Secunderabad lok sabha ki nishist congress aur BJP jaisi riwayati jamaaton se chean li jaye. Secunderabad mein saat assembly halqay hain jo ke Secunderabad, Sanatnagar, Khairtabad, Jubilee Hills,Amberpet, Musheerabad Aur Nampally hain .

Assembly intikhabaat mein TRS ne un saat halqon mein se 6 halqon mein –apne umeed waar Tehraye they jabkay Nampaly halqa mein is ne apni Haleef AIMIM se ittehaad kya tha. Secunderabad halqa mein raye dahindoun ki majmoi tadaad 19, 54, 813 hai jis mein 10 laakh 18 hazaar 912 mard raye dahind aur 9, 35, 844 khatoon raye dahindgaan moujood hai jabke teesri jins ke tor par 57 raye dahindoun ke naam bhi darj hain. Musheerabad, Nampally aur Amberpet mein muslim raye dahindoun ki tadaad itni mojood hai ke woh kisi bhi umeed waar ki qismat ka faisla kar satke hain yahi wajah hai ke ke lakshman musheerabad se aur Kishan Redddy Amberpet se assembly intikhabaat mein shikast kho chuke hain. siyasi tajzia nigaroun ke mutabiq yahan 32 feesad muslim raye dahindgaan moujood hain aur unki moujoodgi ne lakshman aur kishan reddy ki qismat ka faisla kiya tha .

Secunderabad assembly halqa mein muslim raye dahindgaan ki achi tadaad ke ilawa Yadav tabqa ki tadaad bhi kisi bhi umeed waar ke qismat ka faisla kar sakti hai. Khairtabad, Musheerabad aur Nampally aisay ilaqay hain jahan teen laakh se ziyada yaadv Voters mojood hain yahi wajah hai ke yahan se Bandaru Dattatry jo kay chroma Yadav tabqa se talluq rakhtay hain un ke sath Anjani kumar Yadav ne bhi maazi mein futohat haasil ki hain jabkay ek martaba 1996-98 mein PV Rajeshwar rao ne kamyabi haasil ki thi. siyasi tajzia nigaron ka maanna hai ke agar un ilaqon mein Yadav raye dahindgaan ke voton ko mustahkam kiya jaye to yeh faisla kin saabit ho satke hain isi ke paish e nazar TRS aur congress ne Yadav tabqa se talluq rakhnay walay umeedwaron ko maidan mein utaara hai jo kay T Sai Kiran Yadav aur Anjani kumar Yadav hain. doosri janib BJP ne Alla tabqay ke ready ko –apne umeed waar ke tor par maidan mein utaara hai, halaan ke Secunderabad ilaqa mein muslim aur Yadav votoron ki ahmiyat ziyada hai .

TRS umeed waar riyasat Telangana mein apni shandaar karkardagi aur hyderabad aur Secunderabad mein muqami jamaat AIMIM ke taawun par kamyabi ke liye prazm hai to dosri janib congress –apne riwayati vote bank ki umeed par –apne umeed waar ki kamyabi ke liye prazm hai, BJP umeed waar Kishan Reddy wazeer-e- azam Narendra modi ki moodi lehar par apni kamyabi ki umeed kar rahay hain kyunkay unhon ne wazeer e azam ki chamak ke alawa Amberpet mein ba-hasiat rukan assembly jo kaam kiye hain is se bhi inhen apni kamyabi ki umeed dikhayi day rahi hai.

2004 mein Anjani kumar Yadav ne congress ki ticket par yahan kamyabi haasil ki thi jabkay 2004 mein bhi inhen kamyabi haasil hui thi is waqt congress ko muqami jamaat AIMIM ka sath bhi haasil tha. 2004 ke aam intikhabaat mein Anjani kumar Yadav ne Bandaru Dattatreya ko 68, 752 voton ke farq se shikast di thi jab ke 2009 ke intikhabaat mein Anjani Kumar ne –apne muzahirey mein mazeed behtari karte hue 1, 70, 167 voton ke farq se –apne hareef ko shikast di thi. 2014 mein jab Hinudstan bhar mein Modi ki lehar chal rahi thi to is waqt BJP ke umeed waar Bandaru Dattatreya ne 2, 54, 735 voton ke farq se Anjani kumar Yadav ko shikast di thi jis ki ek wajah yeh bhi rahi ke yahan AIMIM ne –apne umeed waar ko tehraya tha halaank woh ghair tabqa se jin ke haq mein ek 1, 45, 536 vote gaye they, is tarha congress se AIMIM ki alehadgi aur muslim votes ke taqseem ne BJP ki raah hamwar ki thi is martaba Secunderabad halqa ki nishist par musalmanoon aur yaadoun tabqay ke voter klidi rule ada karne walay hain lehaza zurori hai ke yahan ke siyasi afraad, ulmaye Ikram aur Danishwer tabqa muslim voton ki taqseem ko roknay ke alawa aqliati tabqay ke liye behtar saabit honay walay umeed waar ki muttahid himayat ko yakeeni banaye .

 

 

 

Y THIS NEWS STAFF