Hyderabad : South central railway ne Dussehra ki tatilat ko mad-e-nazar rakhtay hue platform ticket 10 rupay se badha kar 30 rupay kardi hai. nai qeemat hafta se nafiz ul amal hai aur 10 october tak nafiz rahaygi.
Nazar sani shuda narkhoun ka itlaq Nellore, Vijayawada aur Rajahmundry railway stations par kiya jayega. platform ke ticket mein izafa karne ka maqsad tehwar ke douran railway stationoun par hujhoom ko qaboo karna hai. agarchay platform ki ticketon ki qeemat 10 se 20 rupay tak badhana har saal mamool tha, lekin is saal SCR ke hukkaam ne usay badhakar 30 rupay kardiya hai. –YTN STAFF