New Delhi: Bhartia Janta Party ( BJP ) mein shaamil honay walay Jyotiraditya Scindia ne wazeer difaa Rajnath Singh aur markazi wazeer e dakhla Amit Shah se mulaqaat ki. Scindia ne 10 March ko Congress se istifa day diya tha aur charhumbe ku wo BJP mein shaamil huve they. BJP ne Scindia ko Madhya Pradesh se Rajya Sabha seat ke liye umeed waar bhi banaya hai.
Pehlay Scindia wazeer difaa se mulaqaat karne gaye. Scindia ki mulaqaat ke baad Singh ne Twit kiya Jyotiraditya Scindia se mulaqaat huvi. Mein ne un ko BJP mein shaamil honay par khush aamdeed kaha. Scindia ke BJP mein anay se Party aur mazboot hogi. Un ke tamam koshisho ke liye mein ne naik khwahishaat ka izhaar kiya hai.
Wazeer difaa se mulaqaat ke baad Scindia ne wazeer e dakhla se mulaqaat ki. Shah ne Twit karkay kaha ke Scindia ne aaj un se mulaqaat ki. Unhoun ne likha mein is baat par mutmayen hon ke BJP mein un ke anay se party Madhya Pradesh mein aur mazboot aur riyasat ki aur behtar tareeqay se khidmat karne ke qabil hogi. Wo shayad kal Rajya Sabha ke liye apne kaqazat namzadgi daakhil karen ge. –YTN STAFF