New Delhi: Madhya Pradesh mein peer ke roz shaam se shuru huve siyasi bohraan teez hochuka hai. Chief Minister Kamal Nath se naraaz Congress ke senior leader Jyotiraditya Scindia party se istifa day chuke hain aur BJP mein shamoliat jaisay mozuaat ke douran sab hi ye jan-nay ke khwaahan hai ke Scindia ko Congress se baghaawat aur BJP ke daman mein panah lainay ki targheeb kis ne dilwai hai, Aakhir wo kon hai jis ne Jyotiraditya Scindia aur BJP ke darmain’ moahida’ karwaya. Kon hai wo shakhs jis ne Scindia ko 18 saal ka Congress ke sath chodney ke liye raazi kiya? Wo kon hai jis ki madad se Scindia ki ab Bhagva Party mein apna mustaqbil talaash karne lagey? Un sabhi sawaloun ka jawab ek hi hai.
OutLook ki ek Report ke mutabiq, Madhya Pradesh mein mache siyasi uthal puthal ke peechay BJP ke tarjuman Zafar Islam ka haath hai. Zafar ne hi Scindia ko Congress se nata toad kar BJP khaimay mein laane mein ahem rule ada kiya hai. Zafar Islam media ke liye jana pehchana chehra hain. TV Channels par mubahesoun mein wo har roz BJP ka bachao karte hain. Siyasat mein anay se pehlay wo ek bairooni mulk ke Bank mein kaam karte they aur lakhoun mein thankhowa paate they. Halaanke baad mein wo Wazeer e Azam Modi se mutasir hokar BJP mein aagaye.
Report mein zaraye ke hawala se likha gaya hai ke Zafar Islam aur Jyotiraditya Scindia ek dosray ko kaafi waqt se jantay they. Scindia ke Delhi mein waqay ghar par bhi Zafar ki mulaqaat hochuki hai. Halaank guzashta 5 mahinay se Zafar aur Scindia ke darmain mulaqaat ka silsila badh gaya tha. Mana ja raha hai ke yahin se BJP ne khail shuru kiya tha.
Zaraye ke bamujab Scindia aur Zafar haal hi mein 5 martaba miley they. Zafar ne har ek mulaqaat ki tafseelaat se bhi BJP aala kamaan ko waaqif karwaya tha. Mulakatoun ke nataij ka gehra jaiza lainay ke baad hi BJP ne Madhya Pradesh mein Operation kamal shuru kiya tha. Jis ke nataij ab samnay hain. –YTN STAFF