Hyderabad: Kul Hind Majlise e Ittehadul Muslimeen ke saddar o rukan Parliment Hyderabad Assaduddin Owaisi ne hafta ke roz, Excise hakkaam se darkhast ki ke Langar House ke ilaqay may School ke qareeb sharaab ki dokaan kholnay se rokain. talba ke walidain ki appeal par Assadudin Owaisi ne is silsila may Excise hakkaam ko khat likha. unhoun ne kaha ke School ke qareeb sharaab ki dukaan, talba ke liye pareshani ka bais banegi.
Assadudin Owaisi ne ohdedaroun se talba ke mafadaat ka tahaffuz karne ko kaha. Darin e asna walidain ne sharaab ki dukaan ko roknay ke liye Owaisi ke tawun par un ki sarahana ki. Assaduddin Owaisi ne mutnabba kiya ke agar unke aitraaz ke khilaaf agar koi sharaab ki dukaan wahan kholi jati hai to wo ehtijaj karen ge. -YTN STAFF