Dehradun: Uttarkhand ke Tehri Garhwal mein bachoun ko school le jarahi ek Bus gehri khayi mein girgaee aur is haadsay mein 9 bachon ki mout hogayi aur kayi zakhmi hue hain. Terhri ke disaster operation center ke zila incharge NK Bhatt ne kaha kay Tehri ke modern school ki Bus bachon ko lekar school jarahi thi. is douran Kangsali ke paas Bus gehri khayi mein girgaee. haadsa ki ittila milnay par riyasat ki CDRF ki team mauqa par pohanch gayi hai.
Riyasat ke chief minister Trivendra Singh Rawat ne is haadsa par gehray ranj wo gham ka izhaar kiya hai. unhon ne ohdedaron ko taizi se raahat aur bachao ka kaam karne aur zakhmion ke munasib ilaaj ko yaqeeni bananay ki hidaayat di hai. sath hi haadsa ki magistrate jaanch ke bhi ehkamaat diye hain. is ke alawa Shadded zakhmi logon ko Helicopter se rashi cash ke AIMS laane ka hukum diya hai.
Haadsa ki ittila mlitay hi muqami intizamia, police aur CDRF ke ohdedar mauqe par pohanch gaye aur rahat bachao ke kaam mein masroof hogaye. zila magistrate Dr V shanumogam bhi mauqa par pohanch gaye hain. zakhmion ko ilaaj ke liye zila hospital bowradi laya gaya hai. zila magistrate ne dawakhana jaakar zakhmion ki ayadat ki. zakhmi 10 bachon ka aiaj zila hospital mein jari hai, jabkay shadeed tour par zakhmi 4 bachon ko behtar ilaaj ke liye yahan se rashi cash ke AIMS bheja gaya hai. –YTN STAFF