Riyadh: Saudi wizarat afradi qowat o samaji behbood neh mukhtalif Visa par mojood bairooni afraad ki watan wapsi ka mushtarqa Program jari kiya hai. Yaad rahay ke wizarat ne watan wapsi ke khawahish mand muqeem bairooni afraad ki sahoolat ke liye ( Odah ) Online Program ka ijra kiya hai. Is ke tehat wapsi ke khawahish mand tamam bairooni afraad ko Online ke zariye wapsi ki darkhwast dainay karne ki sahoolat di gayi hai.
Tafseelaat ke mutabiq wizarat afradi qowat o samaji behbood neh kaha hai ke jo ghair mulki karkun kharooj o Odah ( Exit Reentry ) ya Kharooj nahai ( Final Exit ) par jana chahtay hain ya mukhtalif qisam ke Visit Visa ya seyahati Visa par Saudi Arab mein hon aur watan wapas jana chahtay hon wo wapsi ki karwai ( Absher ) ke zariye Online kara satke hain.
Wizarat afradi qowat neh bayan mein wazeh kiya hai ke wapsi ke khawahish mand ghair mulkioun ke liye ( Odah ) ke unwaan se ek Program tamam mutaliqa sarkari idaroun ke taawun se tarteeb diya gaya hai. Is Program ke tehat wapsi ke khawahish mand afraad ko mumlikat se nikalny ke Visa jari honge aur parwazoun ke zariye inhen un ke watan wapas bhejnay ke intizamaa kiye jayenge.
Kisi bhi mulk ke liye parwaaz is mulk ki manzoori ke baad hi shuru ki jayegi. Wizarat afradi qowat neh Odah Program se istifaday ke khawahish mand afraad ke liye darkhwast dainay ka tareeqakar bhi jari kiya hai. Watan wapsi ke khawahish mand bairooni afraad Absher se rujoo karen. (Oadat khane ka intikhab karen. Aqamah Number, Tareekh paidaiesh, Mobile Number, Rawaangi walay shehar ka naam aur Airport ka naam darj karen.
Wizarat afradi qowat ke mutabiq Odah Program se istifaday ke liye zurori nahi ke umeedwar ka Absher par Account bhi ho. Saudi hukoomat neh ye sahoolat hungami bunyadoun par faraham ki hai. Bayan mein mazeed kaha gaya ke Absher se rujoo karkay Odah Application bharnay waloun ke naam SMS aayega jis mein parwaaz ki tareekh, Ticket Number aur Booking ki tafseelaat hongi. SMS milnay ke baad umeed waar ko Ticket ki qeemat ada karna hogi aur safar ki baqi mandah karwai mukammal karana hogi. –YTN STAFF