Riyadh: Haliya dinon mein Saudi arab ke Tel ke thikanon par hamla kiya gaya tha jis par Saudi arab ke wazeer tawanai, sanat aur madniyaat Engineer Khalid al falah nay kaha ke Aramco company ki mashriqi regain mein Yanba’a bandar gaah tak supply line ki pumping ko drone hamlay ka nishana banaya gaya hai. Ek Website naay wazeer tawanai ke hawalay se kaha hai ke drone hamlay ke nateejay mein planet 8 mein aag lag gayi jis par qaboo pa liya gaya. atishzadgi se juzwi tor par nuqsaan hua hai. is hamlay ki zimma daari Yemen ke Housi baghion nay qubool ki hai .
Iran ke himayat Yafta Housi baghion ke Saudi Tel tansibat par drone hamlay ke baad aalmi satah par Tel ki qeematon mein 2 feesad izafah hua hai. Engineer Khalid al falah nay kaha ke pipe line ko nishana bananay ki is mujremana karwai ki muzammat karta hon. yeh khuli dehshat gardi aur takhreeb karee hai. unhon nay kaha ke is se qabal samandari guzargah par hamla karkay nah sirf Saudi arab ko nishana banaya gaya balkay aalmi tijarat sameit duniya ko tawanai ki farahmi ko khatray mein daalnay ki koshish ki gayi. dosri taraf Saudi arab ke wakeel istighasa ke tarjuman nay kaha hai ke mangal ko subah 6 se saadhay 6 bajey ke darmain Al Dawadami aur Afif Commissioners mein Aramco ke planet ko juzwi tor par nishana banaya gaya. Aramco nay nishana ban’nay wali line se pumping rok di hai. tarjuman ke mutabiq mahireen ki teams nuqsaan ka takhmeenah laganay ke baad pipe line ki bahaali ki koshishen kar rahi hain. –YTN STAFF
Saudi Mein Tel Ke Thikanoun Ko Drone Hamloun Ka Nishana Banaya Gaya
