Riyadh: Saudi Arab ke maroof sarhadi soobay Tabuk mein civil defence ki 15 arkaan par mushtamil pehli razakaar khawateen par mushtamil team tayyar hogayi hai. Tafseelaat ke mutabiq Saudi khawateen raza karana tor par civil defence mein khidmaat anjaam dengi. Inhen ladies security team ka naam diya gaya hai. Jahan khawateen aur ladkiyan badi tadaad mein hongi inhen ladies team handle kere ki. Suadi khawateen aisay maqamat par jahan khawateen jama hon aag lagnay ya qudrati afaat ki soorat mein khawateen ko jaye wuqoo se nikaalte aur bachanay ki khidmaat anjaam den gi. Schools, Colleges, Universition aur shadi khaanoon mein khawateen ko imdadi khidmaat bhi faraham karen gi.
Civil defence team mein shaamil khawateen ko gharoun, sarkari-o-niji idaroun aur dafatir mein aman-o-salamti ke tarbiati course kurwaye jayen ge. Tabuk mein civil defence ki pehli ladies team mustaqbil mein aman-o-salamti ke hawalay se mardoun ke shana bashanh kaam karen gi. khawateen team ka daira wasee aur is mein mukhtalif Omar ki khawateen aur ladkiyoun ko shaamil kiya jaye ga. Saudi hukoomat un dinoun mulk ke tamam tabqo mein har satah par aman-o-salamti ki aagahi muhim chala rahi hai. Schools, Colleges aur raza karana tanzeemoun mein bhi kaam ho raha hai.
Tabuk mein Civil defence ki pehli ladies team ki chairperson Fatima Sulaiman Al-Bluwi ne kaha hai ke hamari team hungami halaat mein mardoun ke shana bashanah kaam kere gi. Kayi maqamat aisay hotay hain jahan khawateen aur ladkiyan badi tadaad mein hoti hain. Unki ladies team hi nighadasht kar sakti hai. Fatima Al-Bluwi ke mutabiq team ka daira wasee kiya jaye ga. Is mein mukhtalif omar ki ladkiya aur taleemi certificates rakhnay wali khawateen ko shaamil kiya ja ye ga. Ibtidayi tibbi imdaad, Bachoun ki nighdasht aur imdadi marakaz mein kaam ka tareeqakar bataya jaye ga. –YTN STAFF