Riyadh : Saudi arab ne apni tareekh mein pehli martaba 31 october 2019 ko khawateen mein Wrestling ka muqaabla WWE crown jewel show ke tehat munaqqid kiya jis mein khadsha zahir kiya ja raha tha ke wrestlers neem burhenapa haalat mein muqaabla karenge lekin aisa kuch nahi hua balkay khiladi mukammal libaas mein nazar aaye.
Muqami akhbar ke mutabiq muqaabla dar-ul-hakoomat Riyadh ke international king Fahad stadium mein International Wrestling organization ( WWE ) ne Natalya aur Lacey evans ke darmiyan karwaya. tawaqqa ke ain mutabiq Natalya aur lacey pur-o-qar libaas mein nazar aayin. baaz logon ka khayaal tha ke Riyadh mein bhi Wrestling muqablay mein dono khawateen Wrestling ke riwayati libaas mein hongi.
Arab media ke mutabiq WWE Saudi vision 2030 ko amli jama pehnanay ke liye mumlikat se 10 sala moahida kiye hue hai. salana 80 million dollar se ziyada tey hain. yeh muqaabla Riyadh season ke tehat amal mein aaya. 60 roza Riyadh season mein 100 se ziyada programme ho rahay hain. 11 october se 15 decemeber taq khel, art, tafrihat aur saqafati programme kiye jarahay hain. khawateen Wrestling Amrici behria ki sabiq fouji lacey evans aur WWE ki champion Natalya ke darmiyan hui. yeh dono Wrestling ki duniya mein bada naam kamaye hue hain. social media par bhi sarfeen ne Riyadh mein pehli khawateen Wrestling par zabardast dilchaspi ka izhaar kiya.
WWE crown jewel shoke zimn mein Saudi wrestlers mansoor, broke hulk hogan sameit deegar wrestlers ke darmiyan bhi muqablay ho rahay hain. report ke mutabiq Riyadh mein hue muqablay mein 29 sala american wresters lacey evans aur 37 sala Canadian Natalya ek dosray ke mad-muqabil hui.
yeh pehla mauqa tha ke khawateen wrestlers saudia ki sarzamen par fight ki lekin ibtida mein aisi khabar thi ke pehli martaba khawateen intahi mukhtasir libaas mein muqaabla karengi. dono khawateen ka Wrestling muqaabla 31 october ki shab ko hua jo ke Riyadh season ka hissa hai. Saudi mein khawateen ki Wrestling ka pehla muqaabla, khiladi mukammal libaas mein nazar aaye.
–YTN STAFF