Riyadh : Saudi arab in dinon afratafri ke mahol se guzaar raha hai kyunkay sadiiyon qabal jis jin umoor ki anjaam dahi sehraa ki zameen par mamnoo thi wohi umoor ab poooray josh wa-kharosh ke sath kiye jarahay hain jis ke manfi asraat bhi samnay arhay hain jaissa ke kabhi Saudi arab mein ganay bajanay par imtina Ayad tha lekin ab jabkay yahan mowseeqi ke programs badey paemanay par munaqqid ho rahay hain to iske manfi asraat yeh bar aamad horahay hain ke khud Saudi hukkaam ko apnay hi mulk ki noujawan ladki ko raqs karne ki Padaash mein girftar karne ki nobat aagai hai.
Riyadh season ki maqboliat ka graph jahan buland se buland hota chala ja raha hai wahein is se baaz samaji masail bhi paeda ho rahay hain. Saudi research and publishing company ke magazine ke mutabiq Saudi public prosecutor ne Riyadh season ke saibaan taley ladkoun aur ladkiyon ke miley jalay ek tafrehi programme mein pur josh raqs karne wali hijabi ladki ki giraftari ka hukum nama jari kar diya hai. tafseelaat ke mutabiq hijabi ladki Saudi arab ki rivayet ke mutabiq siyah rang ka abayah Zaib tan kiye hue thi. iske raqs ne social media per hangama barpaa kar diya.
Muqami shehrion ne video clip dekh kar haerat ka izhaar kiya. is par mulk bhar mein baqaida behas chidh gayi hai. video clip mein dekha jasakta hai ke muqami ladki programme hall mein music ki dhun par intahi pesha warana andaaz mein pur josh raqs kar rahi hai jabkay ladke aur ladkiyan iske raqs ka tamasha dekh rahay hain. kisi ne bhi hijabi ladki ke khilaaf ek lafz zabaan se nahi nikala.
video dekhnay walon mein se baaz ne is raqs ka be had bura mana. unhon ne kaha ke hajabi ladki ne nah to apne muashray ki riwayaat aur khusoosi haesiyat ka ehtram kiya aur na hi apne proqar libaas ka koi lehaaz kiya. baaz ne raqs ki video ko mamool ke mutabiq qarar diya. unka muaqqaf tha ke aakhir is mein qabahat kiya hai? ziyada tar log nalan they. awaami rad-e-amal ko dekhte hue public prosecutor ne samaji aadaab ki khilaaf warzi ke ilzaam mein hijabi ladki ki giraftari ka hukum day diya. –YTN STAFF