Riyadh: Saudi Arab mein aindah ek dahe mein 56 feesad mulazmeen berozkar ho jaienge kyunkay inhen khadsha hai ke badhti Technology aur Robots ki wajah se insanoun ki ohdoun par zaroorat nahi hogi. The World Economic Forum aur Asus compane ke jaizay ke mutabiq 56 feesad Saudi mulazmeen ne khadsha zahir kiya hai ke aindah 10 barsoun ke douran wo apni mojooda mulazimatoun se haath dho bathain ge.
Jaizay mein 28 mumalik ke shehrion se raye daryaft ki gayi hai. Tafseelaat ke mutabiq is Report ke nataij 2 baras qabal Magazine ki is report se melitay jaltay hain jis mein kaha gaya tha ke Saudi Arab mein 41 feesad aasamyan khatam hojaiengi aur 45 lakh mulaazmaten market mein nahi rahen gi. Report ke mutabiq aisay shobay jin ke kaam riwayati hain misaal ke tor par sanat, Transport aur insadat zakheera andozi waghera ke karkunaan khaas tor par mutaser hunge. Information ka shoba bhi mutasir hoga.
Tafrihat, Sahet nighdasht, Taleem aur Fanoon lateefa waghera ke shobay 29 se 37 feesad tak mutasir honge. Mamooli aur darmiyanay darjay ki taleem aur tajurbah rakhnay walay mojooda mulazmeen aur karkunaan jadeed Technology ki wajah se mulazimatoun se mahroom ho saktay hain. Is ke baday imkanaat hain. Duniya bhar ke ek tahai mulazmeen ko dar hai ke wo aindah 10 barsoun ke douran apne rozgaar se mahroom ho jaienge. 28 mumalik ke 35 feesad karkunaan ne khadsha zahir kiya hai ke aindah 10 baras ke douran un ki mulazimatoun par Robot qabza karlenge. Aalmi satah par 69 feesad karkunaan ne jaiza lainay walay mahireen se guftagu karte hue is yaqeen ka izhaar kiya ke nai tabdeelioun se wo mutasir nahi honge. Un mein se 29 feesad ne bohat ziyada aur 40 feesad ne mamooli aatmad ka izhaar kiya hai. –YTN STAFF