Bangalore: Saudi arab ka safar karne walay Musafireen ko aksar yeh shikayat rehti hai ke airport par un ka samaan tabdeel ho gaya hai aur kisi aur ka samaan inhen thama diya gaya hai lekin ek anokhay waqea samnay aaya hai jis mein samaan ki bajaye –apne marhoom bete ki laash hi tabdeel ho gayi jabkay betay ki laash ki jagah inhen ek sri lankan khatoon ki laash mili hai .
Yeh anokha waqea Kerala ke maqam Konini mein pesh aaya. tafseelaat ke mojab 30 sala Rafi jo ke Saudi arab ki ek company mein mulazim tha is ki 28 feb ko qalb par hamlay ki wajah se mout waqay ho gayi. lawahiqeen ne jab is ki tadfeen ke waqt coffin khoola to is mein unke betay ki laash ki bajaye kisi khatoon ki laash thi jis par unhon ne konini circle inspector ko mutala kiya .
Ibtidayi tahaqeeq ke baad maloom sun hua ke Saudi arab ki airport mein cargo section mein ghalti ki wajah se Srilanka ki yeh khatoon ki laash Kerala pohanch gayi jabkay Srilanka se talluq rakhnay wali khatoon ke alawa yahan ke muqami afraad ne bhi is tarhan ki police mein shikayat darj ki ke inhen dosray shakhs ki laash di gayi hai. kochi airport par jo laash 20 March ko layi gayi thi woh ek sri lankan khatoon ki thi ab police Srilanka ki khatoon ki laash ko is ke mulk rawana karte hue Rafi ki naash ko jitna jald hosakay muntaqil karne ki koshish mein masroof hai .