Saudi Arab ney Israeli Knesset se jumaraat ke roz Manzoor hay” Yahoodi qomiat” ke mutanazia qanoon ki manzoori ki shadeed muzammat karte hue usay dotok andaaz mein mustard kar diya hai. Saudi Wizarat kharja ke senior zaraye ka kehna hai ke Yahoodi qaumiat ka usool bain ul aqwami qanoon aur insani huqooq ke usoolon ke manafi hai. is qanoon ki manzoori se Israel Palestine tanaza ke hal ki bain ul aqwami koshishen mutasir hon gi. zaraye ney bain al aqwami baradri par zor diya ke woh apni zimma dariyan mehsoos karte hue is qanoon ka muqaabla karen. Neez Falasteeni awam ke khilaaf nasli imtiaz par mabni Israeli koshisho ko bhi roknay ki zaroorat hai kyunkay un iqdamaat se flstinyon ki qaumi shanakht aur Musallimah qanooni huqooq ko khatraat la-haq hotay hain. mutanazia Israeli qanoon par shyoni parliment mein jumaraat ke roz aik dhuwan daar mubahisay ke baad votng hui jis mein 120 arkaan Knesset mein se 62 ney is qanoon ke haq mein vote diya. ewaan mein Arab Israelion ki numaindagi karne walay arkaan ney is shyoni qanoon ko malik mein nasal parastana nizaam ki bunyaad qarar diya.