Riyadh: Saudi Arab mein tareekhi qelaon ko nai shakal aur un ki tazaeen no ka faisla kiya gaya hai. Governor Asir shehzada Turkey Bin Talal ne kaha hai ke tareekhi qelaon aur chaonion ki islaah o murammat ka mansoobah banaya gaya hai. Ye chaonia aur qilay aabao ajdaad ki fayazi , Sakhavat aur shaan o Shaukat ki roshan alamtain hain. Saudi khabar-rasan idaray SPA ke mutabiq Asir Governor ne kaha hai ke Shah Salman Bin Abdulaziz Wali Ahad shehzada Mohammad Bin Salman ki khwahish hai ke Asir regain ke tareekhi manazair ujagar kiye jayen aur yahan qelaon aur chaonion ki dewaroun par badnuma tehreeroun ko saaf kiya jaye.
Manso be ke mutabiq Asir regain ki tamam Commissioners, Shehroun aur thesiloun mein waqay tareekhi qelaon aur chaonion ko jadeed banaya jaye ga. Inhen un ke tareekhi naamoun se yaad kiya jaye ga. Yaad rahay ke Asir alaqe ko histani ilaqa maana jata hai. Yahan beshtar qilay aur chaonia pahodoun ki chotyoun par bani hui hain taakay yalghaar karne walay dushman ka daur se hi pata lagaya jasakay jabkay waadi mein ghalla jaat ke godaam aur un ki hifazat ke liye un ke atraaf chaonia banai jati theen.
Shehzada Turkey Bin Talal neh 2019 ke shuru mein shehroun mein tareekhi maqamat ki tajdeed ka mansoobah shuru kiya tha. Is silsilay mein Asir Municipality aur 33 baldeati Counsels ko shaamil kiya gaya tha. Mansoobay ke tehat ab tak 67 tareekhi maqamat ki jadeed kaari ki Schemes banai gayi hain. Roshni ke sath sabza zaroon ka bhi bandobast kiya gaya hai jahan Saudi shehri, Muqeem ghair mulki aur sayah sair o sayahat ke liye atay aur apna khobsorat waqt guzartay hain.