Riyadh: Saudi Arab mein pehli sarkari girls University Princess Nourah Bint Abdul Rahman University mein cheeni zabaan ka course karwaya jaye ga. Beijing languages University aur shehzadi Nourah University ne is hawalay se moahida kiya hai jis mein te kiya gaya hai ke Riyadh mein cheeni languages for business diploma programs karaya jaye ga.
Is terhan Amira Nourah University apne nesaan main cheeni zabaan ki taleem ka mazmoon shaamil karne wali pehli Saudi university ban gayi. Tafseelaat ke mutabiq Saudi Arab ki taraf se Amira Nourah University ki Chairperson Professor Doctor Inas Al-Issa aur Beijing university ki janib se chairman Dr Li Liu ne online program taqreeb ke douran muahiday par dastakhat kiye.
Shehzadi Nourah Girls university aur Beijing languages University donu mulkoun ke darmain talemi saqafat ke tabadlay ko farogh dengi. Beijing University, Shehzadi Nourah University ki talbat ko mukhtalif uloom seekhnay ke mawaqay muhayya kere gi. Muahiday ki taqreeb mein China mein Saudi safartakhane ke Cultural Attache Dr Fahad Al-Shareef, Secretary taleem baraye aalmi taawun Dr Saleh Al-Qasomi aur Beijing university ke voice chancellor Dr be shareek huve.
Merah Nourah University ki team mein secretary baraye taleemi umoor Dr. Nawal Al-Rasheed, Secretary Academy umoor Dr. Amal Al-Habdan, Samaji khidmaat ki dean Dr Latifa Al-Faryan aur Strategic shiraakat idaray ki Incharge Dr Hodail Al-Saleh shaamil theen.