Riyadh: Saudi Arab mein khud sakhta Iblees ki giraftari ke baad social media par ye sawal uthaya ja raha hai ke usay kya saza milegi. Tafseelaat ke mutabiq Saudi law Faculty ki taliba Aljuhirat Al-Abdali ka Twit Hashtag ki shakal ikhtiyar kargaya hai. Is ne ( #hashtag_alqanoon) ke unwan se qanooni sawal uthaya aur phir is ka jawab bhi diya hai. Aljuhirat Al-Abadli ka sawal ye tha ke khud ko Iblees kehnay walay ke liye Saudi qanoon mein kya saza muqarrar hai. Saudi taliba ne is ka jawab dete hue wazeh kya khud ko Iblees kehnay walay ne 2 khilaaf varziyan ki hain. Pehli khilaaf warzi deen ka mazaq udane ki hai aur doosri khilaaf warzi Driving ke douran video bananay ki hai.
Mashhoor honay ke liye ye daawa ke wo Iblees hai. Information Crime qanoon ki dafaa 6 ke mutabiq mazhab ka mazaq udane ke dairay mein aata hai. Is par 5 baras tak qaid aur 30 lakh Riyal tak jurmane ki saza hosakti hai. Ye pehli khilaaf warzi aur is ki saza hai. Aljuirat Al-Abdali ne mazeed kaha doosri khilaaf warzi driving ke douran video bananay ki hai. Is par 24 ghantay qaid aur 300 Riyal tak jurmane ki saza hogi. Yaad rahay ke Saudi Security ohdedaroun ne TikTalk Application istemaal karkay video bananay walay ek nojawan ko giraftar kiya tha. Video mein nojawan ne ajeeb o ghareeb Makeup karkay apni video banai thi aur khud ko Iblees qarar diya tha aur Iblees ki zabaan bhi istemaal ki thi. TikTalk par muqami nojawan ki video dekhte hi dekhte Viral hogayi jis ke baad ye waqea arbab majaz ke liye bhi ahmiyat ka haamil hogaya. -YTN STAFF