Riyadh: Is waqt Saudi Arab mein walii ehad ke vision 2030 ke tehat mukhtalif shobo mein khawateen ke kirdaar ko kaafi ahmiyat di jarahi hai aur aaye din kisi nah kisi shobay mein kisi nah kisi ohda par khatoon ka taqarrur khabron ke judge ke ohdon par anqareeb khawateen ka taqarrur amal mein aaye ga. Arab media ki report ke mutabiq Saudi secretary afradi qowat wo samaji behbood hind al-zahid ne kaha hai ke Saudi arab mein judge ke ohday par khawateen ke taqarur anqareeb honay walay hain. Is zimn mein unhon ne kaha ke Saudi khawateen ko baakhtyar bananay wali sarkari muhim ke tehat yeh taqarurat honge.
Arab channel ke khusoosi programmed ke douran unhon ne kaha ke unki maloomat mein yeh tafseelaat aachuki hain ke hai khawateen ko judge ke ohda par taqarrur ki karwai kayi marahil mein mukammal hogi. Taqarrur ki deegar tafseelaat batatay hue unhon ne kaha ke judge ke ohday par faiz honay honay ke liye umeed waar ke paas matlooba degree hona lazim hai. Is ke baghair taqarrur mumkin nahi hai taham mein yeh baat poooray wusooq se keh rahi honke judge ke ohday par khawateen ke taqarur ka faisla anqareeb hoga.
Report mein yeh bhi zahir kiya gaya hai ke Saudi arab ke wizarat insaaf mein 2000 se ziyada khawateen mukhtalif ohdon par Faiz hain aur woh apne umoor anjaam day rahi hain. Un halaat mein yeh aasani se kaha jasakta hai ke judge ke ohday par khawateen ke taqarrur ka lamha qareeb aachuka hai.
yaad rahay ke Saudi secretary afradi qowat ne kaha ke khawateen tamam shobo mein qadam rakh chuki hain is ke alawa kaleedi aur ahem ohdon par khawateen Faiz hochuki hain. jaisa ke wizarat taleem ki 50% ohdedar khawateen hain.
Doosri janib wizarat sehat mein bhi khawateen mulazmeen ki tadaad 30 feesad hai. unhon ne mazeed kaha hai ke Saudi labor market mein khawateen ki mojoodgi ko bhi Saudi muashray ne qubool karliya hai. is ke alawa Saudi hukoomat khawateen ko baakhtyar bananay ke zimn mein pur-azm hai.