Riyadh: Saudi Arab ne tasdeeq ki hai ke wo vaccination aur immunisation ke aalmi ittehaad GAVI, The Vaccine Alliance ko coronavirus se nimatnay ki koshisho mein madad ke liye 15 crore Americi dollar imdaad dayga. March mein Saudi Arab ki sarbarahi mein munaqidah G20 Summit ke douran Saudi Arab neh elaan kiya tha wo coronavirus se nimatnay ke liye jari bain ul aqwami koshisho ke liye 50 crore dollar imdaad dayga.
Bartania ki maizbani mein ek vaccine Summit ke douran Saudi wazeer kharja ney tasdeeq ki ke is raqam mein se 15 crore dollar GAVI ke liye mukhtas kiye ja satke hain. Saudi wazeer kharja Prince Faisal Bin farhan ney kaha ke is raqam mein se 15 crore dollar GAVI ke liye mukhtas karne ka elaan karte hue mujhe khushi hai, Jis se is ittehaad ki anthak koshisho ko madad mileygi.
Bartanwi hukoomat ek vaccine Summit ki maizban ki hai aur pur-umeed hai ke taraqqi pazeer mumalik mein bachaon ko immunize karne ke liye arboun dollar jama kiye jayenge. Summit ke sherka Novel coronavirus ke insidaad ki kisi mumkina vaccine ki aalmi satah par munsifana taqseem ke baaray mein bhi baat cheet karenge. –YTN STAFF