Riyadh: Duniya mein tail ki sab se badi company Saudi Aramco ke Chairman Engineer Amin Hassan Naseer ke bamoujib Saudi Arab 2025 tak Gas baraamad karne wala Mulk ban jaye ga.
Engineer Hassan Naseer anjinyir ney kaha hai ke hamara nishana yomiya teen arab mak-ab foot Gas baraamad karne ka hai. Yeh nishana batadreej haasil kya jaayegaa. Aajeel Website ke mutabiq Al Naseer Riaz mein kuwait, Saltanat e Amman, Iraq aur Pakistan mein tail aur Gas ke kunwoon ki khudayi se mutaliq aik muahiday par dastakhat karne ke baad media numaindon se guftagu kar rahay they.
Al Naseer ney kaha ke Kuwait, Iraq, Pakistan aur saltanaat Amman mein Petrol aur Gas ke kunwoon ki khdayi mein Al Hafar Arabi Company ki shiraakat ka moahida be hadd ahem hai. Is ki badolat hamari company mashriq wasti ki badi companiyon mein shaamil hojayigi aur is ki hesiyat mulki ke bajaye ilaqai company ki ban jaegi. Al Hafar company ke karkunaan ki tadaad 6 hazaar tak hojayigi, uski badolat tail aur Gas ki sanat mein Saudion ka kirdar badh jaayegaa.
Energy City ka pehla marhala mukammal hochuka hai dosray marhalay ka aaghaz jald hoga. Wazeh rahay ke Saudi Wazeer tawanai Khalid Al Faleh Mumlikat mein Gas ke zabardast zakhair daryaft honay ke bad regional Gas Net work mein tosee ke liye mutahidda arab amarat aur saltanat Amman ke sath mazakraat kar rahay hain. Saudi Arab is saal qabil e tajdeed tawanai ke kam az kam 12 mansoobon ke tender jari karega. Al Faleh ney kaha hai ke Saudi Arab aindah 10 baras ke douran 60 giga wat taq qabil e tajdeed tawanai peda karne ka nishana muqarrar kar rakha hai. Is mein shamsi tawanai se peda honay wali 40 giga wat bijli aur paan chuki se peda honay wali teen giga wat bijli bhi shaamil hogi.