New Delhi: Hindustan ke pehlay naib Wazeer-e-Azam aur wazeer-e-dakhila Sardar Vallabhbhai Patel ko Modi ne un ki 145 wi yom-e-paidaiesh par kharaaj aqeedat aur glhaye aqeedat pesh kiya. Apne Tweet pegham mein Mister Modi ne kaha qaumi yakjahti aur salmiyat ke almbrdar, Iron Man Sardar Vallabhbhai Patel ko un ke yom-e-paidaiesh kharaaj aqeedat. Hindustan ke markazi wazeer-e-dakhila Amit Shah ne aaj sardar Vallabhbhai Patel ke yom-e-paidaiesh par kharaaj aqeedat pesh karte hue kaha ke unhoun ne hi aaj ke mazboot Hindustan ki bunyaad rakhi thi.
Sardar Patel ki 145 wi yom-e-paidaiesh ke mauqa par Amit Shah ne apne Tweet pegham mein kaha qaumi yakjahti ke akkaas har Hindustani ke dil mein basnay walay mard aahan Sardar Patel ko kharaaj aqeedat. Azadi ke baad senkdon reyaston mein mein bikhare hue Hindustan ko muttahid karne ke baad unhoun ne hi aaj ke mazboot Hindustan ki bunyaad rakhi. Un ki mazboot qayadat, Qaumi jazba aur zabardast taawun ko Hindustan kabhi faramosh nahi kar sakta. Amit Shah ne mazeed kaha ke sardar Patel ne apni zindagi ke har lamhay ko mulk ke inzimam se le kar Somnath ki Mandir taamer no, Hindustan mein ek qoum ke ehsas ko bedaar karne ke liye waqf kiya tha.
Yaad rahay ke Sardar Patel ke yom-e-paidaiesh ko har saal mulk bhar mein yom-e-ittehaad ke tor par manaya jata hai. Delhi mein sadar, Naib sadar, Wazeer-e-dakhla aur Delhi ke Lieutenant Governor Patel Chowk par waqay sardar patel ke mujasmay par golposhi ki. Is ke ilawa naib sadar jamhooria M. Venkaiah Naidu ne sardar Vallabhbhai Patel ko jazbati kharaaj aqeedat pesh karte hue kaha ke qoum hamesha un ka ahsaan mand rahay gi.
Venkaiah Naidu ne nai Delhi ke Patel Chowk par sardar Patel ke mujasmay ki golpushi ki aur is mauqa par unhoun ne kaha ke mard aahan aur Hindustan ki ekta ke Alambardar sardar Vallabhbhai Patel ko yom-e-paidaiesh par purkhuloos kharaaj tehseen! Mulk ki jad-o-jehad azadi, Mulk mein 500 se ziyada velayaton ke Inzimam aur All India service Commission ke qiyam mein na qabil faramosh shiraakat ke liye qoum sardar Patel ka ahsaan mand rahay gi.
Delhi ke Chief Minister Arvind Kejriwal ne mulk ke pehlay naib wazeer-e-azam aur wazeer-e-dakhla Iron Man Vallabhbhai Patel ko haftay ko un ki yom-e-paidaiesh par kharaaj aqeedat pesh kiya. Kejriwal ne Tweet karkay apne kharaaj aqeedat ke pegham mein kaha mulk ko ittehaad aur salmiyat ke dhaagay mein bandhnay walay Iron Man sardar Vallabhbhai Patel jee ke yom-e-paidaiesh par inhen salam kiya.