Hyderabad: Telangana ke wazeer Information Technology ke KT Rama Rao ney nishandahi ki hai ke reyasti hukoomat Telangana ki ahem shaksiaat ki yaad mein beshtar Programs ke sath agay badh rahi hai. Wuzra KT Rama Rao aur Srinivas Gowda ney Telangana ki ahem shakhsiyat si Narayan Reddy jo Sinare ke tour par mashhoor they ki yom-e-paidaiesh ke mauqa par aaj Banjara hills ilaqa mein Saraswati Sadanam Auditorium ki taamer ke liye sang bunyaad rakha. Sinare Urdu ki ahem shakhsiyat thi. Is mauqa par khitab karte hue Rao ney un ki sataish ki aur un ko kayi salahiyaton ka haamil qarar diya.
Unhoun ne kaha ke Narayan Reddy janoobi hind ke pehlay shayar they jo Parliament ke ewaan baala ke liye muntakhib hue. Unhoun ne yaqeen dehani karwai ke Saraswati Sadanam riyasat ke shura aur fankaron ke liye ahem Platform hoga jis ki taamer jald az jald mukammal karli jaye gi. Unhoun ne sesila mein un ke naam ek kutub khanah ki taamer ka bhi elaan kiya. Kheriyat abad ke rukan Assembly Nagender aur deegar Leaders bhi is mauqa par mojood they.