Hyderabad: World cup se Pakistani team ke bahar honay ke baad ODI cricket se subuk doshi ke Shoaib malik ke elaan par unki ahliya wo tennis star sania Mirza ne jazbati tweet kiya. Sania ne apne post may kaha ke Pakistani sabiq captain ke liye yeh naya aaghaz hoga.
Unhoun ne kaha har kahani ka khtama hota hai lekin zindagi may har ekhtataam ek nai shuruvaat hota hai. aap ( Shoaib malik ) ne apne malik ke liye 20 saal khela aur aap ne aisa musalsal kaafi izzat aur Waqar ke sath kiya. aap ne jo kuch bhi haasil kiya is par Izhan aur mujhe fakhr hai.
Shoaib malik ne Bangladesh ke khilaaf aakhri league match may unki team ki 94 runs ke sath kamyabi ke baad subuk doshi ka elaan kiya. Malik ne tweet karte hue kaha tha may aaj ek ODI cricket se subukdosh hogaya hon. may ne jin khiladion ke sath bhi khela hai couches jin se may ne tarbiyat li, khandan, dost, media aur sponsers aur bilkhusoos mere madahon, un tamam ka shukriya. may aap se pyar karta hun.
Shoaib malik ne 1999 may Sharjah may west indies ke khilaaf ODI international career ki shuruvaat ki thi. Malik ne 287 muqablay khele aur 34.55 ke ost se 7534 runs banaye jis may 9 centuries bhi shaamil hain aur 2007 may Hindustan ke khilaaf khelay gaye T20 world cup jis may Pakistani team ko shikast hui thi, may woh is team ke captain the. Shoaib malik apni team ke liye T20 kheltay rahenge. wazeh rahay ke Australia may aindah baras feb 2020 may T20 world cup khela janay wala hai. –YTN STAFF