Hobart: Hindustani Tennis star Sania Mirza ne betay ki paidaiesh ke baad bain ul aqwami Tennis mein kamyaab wapsi karte hue yahan khailay jarahay WTA Hobart International ke Quarter final mein rasai haasil karli hai. Sania Mirza ne double muqabloun mein Ukraine ki apni saathi khiladi Nadiia Kichenok ke sath pehlay marhala ke muqaabla mein kamyabi haasil ki hai. 2 saal baad wapsi karne wali Sania Mirza aur un ki saathi Nadiia Kichenok ne Oksana Kalashnikova aur Japan ki Miyu Kato ke khilaaf ek ghanta 41 minute taweel muqaabla mein 2-6, 7-6 ( 3 ), 10-3 ki kamyabi haasil ki.
Sania jodi ka Hobart International tournament ke quarter final muqaabla mein Americi jodi Vania King aur Christina McHale se saamna hoga. Jaissa ke Americi jodi ne apne muqaabla mein Spani jodi Georgina Garcia aur Sara Sorribes ko ba aasani raast sitoun mein 6-2, 7-5 se shikast di. Sania Mirza jo kay 2 saal ke waqfa ke baad masabqti tennis mein wapsi ki hai lekin 33 sala Sania Mirza un 2 barsoun ke douran zakhamo ki wajah se khail se duray rahen jabkay April 2018 mai un ke betay Izhaan Mirza Malik ki paidaiesh bhi hui hai. Kamyabi ke baad ezharekhyal karte hue Sania Mirza ne kaha ke aaj ka din meri zindagi ka ek ahem din hai. Jaissa ke mein ne tennis mein phir ek martaba kamyaab wapsi ki hai. –YTN STAFF