Hyderabad: Qareeb 8 mah tak band rehne ke baad Hyderabad ka mashhoor Salar Jung Museum mangal se dobarah awam ke liye khuil jaye ga. Museum hukkaam ne elaan kiya ke awam ke liye ahteyati tadabeer ke sath Museum ko dobarah khol diya jaye ga. Doray ke douran awam ke liye har waqt chehray ka Mask pehnana laazmi hoga. Inhen dakhli rastay par jismani darja hararat ke liye Screening kiya jaye ga.
Museum ke Director ne kaha ke kam se kam 6 feet ki jismani faasla barqarar rakhna hoga. omar raseedah shehri, Kamzoor afraad, Hamila khawateen, Sher khawar aur chhota bacha ajaaeb ghar jane se bach satke hain. Is tareekhi shehar mein sayaho ke sab se baday maqam mein se ek Salar Jung Museum ko 22 March ko Coronavirus ke phelao ko roknay ke liye Lockdown nafiz karne ke baad awam ke liye band kardiya gaya tha.
Museum ko ibtidayi tor par 15 March se ek hafta ke liye band kardiya gaya tha, Is ke baad Telangana hukoomat ne ek ahteyati iqdaam ke tor par ek hafta taweel band ka hukum diya taakay Coronavirus nah phailay. Mulk bhar mein lockdown ke nifaz ke sath Museum band hi raha. Yaad rahay ke rozana 3,000 se 4,000 afraad museum ka mushahida karte hain aur ekhtataam hafta aur tatilat mein un ki tadaad 6,000 tak pahonch jati hai. 10 aekar raqbay par phailay is museum mein 9,000 mukhtotat, 43,000 Art object aur 47000 taba-at shuda kitaaben hain.
Galleries mein namoonay numayesh ki jati hain jin mein chothi sadi ki tareekh shaamil hai. Is mein Hindustani Art, Far Eastern art, Children Art, European Art, Middle Eastern Art aur Gallery mojood hai. Museum ke dosray qeemti hissa mein itali mujasma GB Benzoni ke zareya rabika ka parda daar Marble ka mujasma bhi shaamil hai. Wahan hathi daant kursion ka ek set hai jo France ke Louis XVI ne Mysore ke Tipu Sultan ko pesh kiya tha. Is ke ilawa yahan bohat kuch tareekhi ashya mojood hai.