Paris: Sahaafat ki azadi ke liye kaam karne wali tanzeem reporters without Borders sahaafat ko khatarnaak pesha qaraar diya hai halaank guzashta baras ki bah nisbat rawan baras sahafioun ke qatal ki tadaad mein kami aayi hai lekin is ke bawajood sahaafat se wabasta afraad ko apni jaanen gawane padi hain jabkay duniya bhar mein 2019 mein 49 sahafioun ko qatal kiya gayea jo 16 baras mein kam tareen sharah hai.
Reporters Without Borders ne apni report mein kaha hai ke aksar sahafi Yemen , shaam aur Afghanistan mein khanah jangi ki sahafati khidmaat ke douran maaray gaye. France mein qaim tanzeem ne khabardaar kiya ke tareekhi hawalay se saal bhar mein tadaad kam honay ke bawajood sahaafat badastoor ek khatarnaak pesha hai. Tanzeem ne kaha hai ke guzashta 2 dehau se ek saal mein taqreeban 80 sahafi khidmaat ke douran jaan kho baithy they.
France mein RSF ke naam se maroof repoters Without Borders ke sarbarah kristof de loyer ne khabardaar karte hue kaha ke un mumalik mein ziyada sahafi maaray gayee jahan is waqt aman ke hawalay se khatraat bohat ziyada paye jatay hain aur 10 sahafi sirf Mexico mein maaray gayee. Unhoun ne mazeed kaha hai ke lateeni America mein majmoi tor par 14 repoters maaray gaye aur mashriq wasti ki terhan khatarnaak khitta ban gayea hai.
Rawan baras sahafioun par hamloun mein kami ke hawalay se unhoun ne kaha hai ke mutasirah ilaaqoun mein reporting karne walay sahafioun ke hadaf ban’nay mein kami par khush hona chahiye kyunkay ziyada sahafi jamhoori mumalik mein un ki reporting ki wajah se maaray jarahay hain jo ek haqeeqi challenge hai. Tanzeem ke mutabiq jahan kayi sahafioun ko mara gaya isi terhan kayi sahafioun ko jail bhi bhaij diya gayea jin ki tadaad 389 thi jo guzashta saal ke muqablay mein 12 feesad badhi hai.
Report ke mutabiq giraftar honay walay sahafioun ki nisf tadaad 3 mumalik China, Misar aur Saudi Arab mein hai jabkay Saudi Arab par guzashta baras turkey ke shehar astbol mein sahafi Jamal Khashoggi ke qatal ka bhi ilzaam hai. RSF ke bamujab China, Ayergo musalmanoun par sakhtiyoun ki tojih pesh karta hai jahan duniya bhar mein qaid honay walay ek tahai sahafi mojood qaid hain. Report ke mutabiq shaam, Yemen , Iraq aur Ukrain mein 57 sahafioun ko hirasat mein liya gaya.
Yaad rahay ke sahafioun ke haqooq ke liye kaam karne wali tanzeem International federation of Journalists ( IFJ ) ne guzashta baras apni report mein kaha tha ke 2018 mein 94 sahafi aur media numainday apne faraiz ki injaam dahi ke douran qatal kardiye gayee. IFJ ki janib se jari kardah salana report mein kaha hai ke un maqtool sahafioun mein se 5 Pakistan mein qatal huve.
2018 ke aakhir mein shaya honay wali ye fehrist 146 mumalik ke 6 lakh se zayed sahafioun ki numaindagi karne walay idaray IFJ ki 29 win report thi. Report mein kaha gaye hai ke guzashta saal 84 sahafi, Cameraman, Ki jaanen targets killing, Bomb dhamakay ya firing ke waqeat mein zaya huien jabkay qatal kiye gayee deegar 10 afraad mein driver, Hifazat par mamoor ohdedar ya sales hakkaam bhi shaamil they. Qatal kiye gayee un 94 afraad mein se 6 khawateen bhi shaamil then. –YTN STAFF