Ramla: Ek sadi qadeem Israel Palestine tanaza ek martaba phir mauzo behas hai, Sadar Donald Trump ke aman iqdaam ki tafseel ki ashaat ke baad baaz mahireen ye pesh qiyaasi kar rahay kar rahay they ke shayad is ki wajah se tashadud phoot pade ga lekin aisa kuch nahi huva hai. Doosri janib is ki umeed bohat kam hi hai ke is naye mansoobah se fariqain mein barsoun se ta-attul ka shikaar muzakaraat ki bahaali mein koi madad milegi. Is mein waqt lagega aur agar koi ek fareeq inkaar kar deta hai to phir nateeja bohat mayoos kun aur mazhaka khaiz bhi ho sakta hai.
Arab
Ab waqt ka takaza hai ke aisay aman iqdaam par nazarsani ki jaye, Jis ki mashrqِ ost mein waqay har Arab riyasat ne himayat ki thi aur ye Arab aman iqdaam hai. Aaj jab Israel Palestine tanaza ke mustakbil ke baray mein ghair yakeeni soorat e haal mein izafah hota ja raha hai, To aisay mein Arab aman iqdaam fariqain ke darmain muzakaraat ke dobarah aaghaz ke liye ek achi buneaad ban sakta hai. Takreeban 18 saal qabal tab ke Saudi Wali Ahad shehzada Abdullah Bin AbdulAziz Al Saud ( Ab marhoom ) ne Lebanon ke dar-ul-hakoomat Beirut mein munaqidah Arab league ke sarbarah ijlaas ke mauqa par aman ke liye apna ye Vision pesh kiya tha. Is aman mansoobah ki Arab League ke rukan mumalik ne manzoori di thi. Ye aaj bhi muasar hai.
Afsos ki baat ye hai ke ab tak kisi bhi Israeli hukoomat ne sarkari tor par is aman tajweez par rad-e-amal zahir nahi kiya hai. Ye mansoobah tanaza ka munsifana aur qabil qubool hal pesh karta hai aur is ka maqsad Israel aur is ke Arab hamsaaya mumalik ke darmain mamool ke taluqaat ustuwar karna hai. Is aman mansoobah ko mansa shedod par aeye koyi 2 dahi honay ko aeye hain, Is mein baaz nai cheeze shaamil karne ki zaroorat hogi jis ke baad ye aman iqdaam 2 tarfah mazakiraat ki bahaali ke liye aaj bhi behtareen Platform muhayya karta hai kyunkay isi ko sab se ziyada ilaqai himayat haasil hai.
Agar Trump intizamia ki sadi ka moahida apna nateeja dikhaane mein nakaam rehta hai to phir kiya hoga? Israel mein bohat se logoun ka khayaal hai ke jon ka ton soorat e haal ko barqarar rakha jana koi aisi buri cheez bhi nahi hai. Ham apni zindaganian guzartay hain, Tashadud ka koi bada waqeya bhi ro numa nahi huva hai, Bazahir duniya ko khittay ke is hissay mein runuma honay walay waqeat ke baray mein bohat kam dilchaspi nazar aati hai. Taham, Sach se agay koi cheez nahi hai aur muaqqaf ko bhi ek iltebas ke siwa kuch nahi hai. Yahan kasheedgi pehlay hi badh chuki hai, Agarchay is se Israel mein aksariyat ki roz marrah zindagi par koi asraat muratab nahi hotay hain. Haliya haftoun mein ziyada hamlay huve hain, Maqboza Baitul Muqaddas mein jhadpen huvi hain. Mayoosi ka shikaar aisay Palestine nowjawanoun ki tadaad mein izafah huva hai jo ab tanaza ke ek reyasti hal ki himayat kar rahay hain.
Dar haqeeqat muaqqaf ko hamein maazi qareeb ke khatraat ki janib mutwajjah karta hai jab dono aqwam aur un ki qayadat ke darmiyan ablaagh, Tafheem aur samjhote ka fuqdaan paaya jata tha. Jab Yahodi bastiyun ki tadaad mein izafah hoga aur Israeli garbah Urdan ke ilaqoun ko riyasat mein zam karne mein masroof honge to is soorat mein mazeed Palestine 2 riyasati hal se daur hotay jayen ge aur wo aisay ek reyasti hal ki tajweez ki himayat karen ge jis mein wo apne liye barabar ke siyasi aur shehri haqooq ke khwaahan honge. Dono mutharab qomoun ko juda karne ke liye sarhad ki lakeer khenchnay ka imkaan hamesha ke liye oojhal hojaye ga. Fitri tor par is hal ki soorat mein Israeli aur Palestine dono hi bohat ziyada khasaray mein rahen ge aur is ke mazmurat to mashriq ost ke wasee tar khittay ke liye bohat hi khatarnaak ho saktay hain. Israel ki difai afwaj ke sarbrahan aur Israeli Security Agency (Shin Bet ) ke leaderoun ke mutabiq Israel aur gharbِe Urdan mein soorat e haal kharab hoti hai to is soorat mein mazakiraat ke liye haqeeqi pesh raft nahi hosakay gi. Is se ghrabِ Urdan aur Urdan ke darmain istehkaam par bhi asraat muratab hon ge aur Israel aur Arab duniya ke darmain taluqaat ko bhi nuqsaan puhanche ga.
Ilaqai Artebat o Ahtesaal ka khawab aur khittay mein aman aur istehkaam ke alawa tamam ilaqai mumalik ke darmain ek taaqatwar ittehaad ki tashkeel bhi ek khawab hi rahay ga. Palestine’s aur Israeloun ke darmain koi misbet pesh raft nahi hoti hai to is ka ek matlab ye hai ke un ke darmain mamool ke taluqaat bhi ustuwar nahi hon ge, Koi marboot talluq hoga aur nah taawun ke liye koi pesh raft hogi. Hamein kisi States ki zaroorat nahi balkay mazakraat ki bahaali aur is amal ke liye ilaqai himayat ki ek maqool asaas ki zaroorat hai. Arab aman iqdaam hi ye buneaad muhayya karta hai.
Aaj ek wazeh vision mojood hai ke Technology, Tijarat, Sayahat aur difaa ke shobo mein Israel aur Arab reyastoun ke darmain kaisay shiraakat daari qaim ki ja sakti hai. Ye sirf isi soorat mein mumkin hai ke Palestine, Israeli tanaza ko sab se muqaddam khayaal kiya jaye. Israel mein aindah honay walay Parliamani intikhabaat mein jo koi bhi faateh ban kar samnay aata hai to is ko 2 umoor par tavajja markooz karne ki zaroorat hogi. Awwal Israel aur Palestini hukkaam ke darmain taluqaat ko ab-tar honay se kaisay roka ja sakta hai? aur dovam Israel ke khittay mein taluqaat ko kaisay farogh diya ja sakta hai. Ye dono muamlay aapas mein judey huve hain. Arab aman iqdaam ko un ki kuleed hona chahiye. Aaj koi ziyada takheer nahi huvi hai lekin kal ho sakta hai ke koi bohat ziyada takheer hojaye. –YTN STAFF