Mumbai :Dehshat gardoun ke khilaaf ladtay hue mulk ke liye apni jaan qurbaan kardainay walay shaheed Hemant Karkare se mutaliq Sadhvi Pragya singh Thakur ke mutasib bayanaat par hungama hanooz jari hai aur mulk se mohabbat karne walay har hindustani ki janib se Sadhvi par shadeed tanqeed ki jarahi hai. Hemant Karkare ki shahadat ke 11 saal baad bhopal se BJP umeed waar Pragya Thakur nay haliya bayan mein kaha hai ke Hemant Karkare ki mout unki Bad-dua se hui hai. BJP par na sirf shaheedon ke naam par siyasat karne ka ilzaam laga balkay unhein ghaddar-e-watan kehnay par bhi shadeed tanqeed ki jarahi hai .
Shaheed Hemant Karkare ke afraad-e-khandan nay Pragya Thakur ke bayan par apna radd-e-amal zahir kiya hai. unki beti Jui Karkare nay kaha ke shaheed ko zaleel karne walay logon ki koi bhi saazish kamyaab nahi hogi. ek interview mein unhon nay kaha ke Hemant Karkare ki shahadat par siyasat durust hai ya ghalat, is ka faisla woh awam par chodthee hain kyunkay awam samajh daar hain aur wohi apne vote ki taaqat se Pragya ko jawab denge .
Shaheed Hemant Karkare ki beti Jui nay Pragya Thakur ke bayan par bohat ziyada tabsarah karne se inkaar kar diya hai. unhon nay kaha ke waalid ki shahadat ke baad kuch qaideen intikhabi faiday ke liye qabil aitraaz bayan day rahay hain. aisay qaideen se mujhe kuch nahi kehna, kyunkay woh samjhainge bhi nahi aur mein aisay logon par bol kar unhein ahmiyat bhi nahi dena chahti. Jui nay apni maa ki likhi nazam ka tazkara karte hue kaha ke mere shohar ke shaheed honay ka mujhe gham zaroor hai, afsos nahi phir bhi kuch sawal dil mein atay hain, par jawab mil nahi paate. phir mann kehta hai, pagal to kis se sawal karta hai Malegaon bomb blast ki mere shohar nay jaanch poori ki hai Karkare, Kamitey aur salskar shaheed hue, ab to Bharat mataa ki rajneeti hai. Jui Karkare nay kaha ke maa kehti theen ke Hemant ki shahadat par kuch logon nay to yeh bhi kaha ke unke shohar ko herogiri ka shoq tha, is liye aisa hua. lekin mera kehna hai ke yahi unki hub ul watni ki nishani hai. Pragya Thakur ka naam liye baghair Jui sawal karti hain ke aakhir woh kis ke liye aisa bol rahi hain? apne logon ke liye jinhon nay mulk ke liye qurbani di hai .- YTN STAFF