Virginia: America ki riyasat Virginia mein ek khandan ko is baat par saraha ja raha hai ke unhoun ne sadak se milnay walay taqreeban 10 lakh dollars se bhaday 2 bags ko police ke hawalay kiya. Khabar rasan idaray ke mutabiq Emily Schantz ne muqami TV channel WTVR ko bataya ke wo apne ehley khanah ke sath driving par theen jab un ki gaadi dono mein se ek bag ke oopar se guzri.
Emily ne kaha ke in logoun ko laga ke is bag mein kachra hai, Qareeb mein pasa ek aur Bag dekha to gaadi mein rakh liye. Inhen ghar pounchanay ke baad pata chala ke un ki pick up truck mein un dono bags ke andar plastic mein 10 lakh dollars ki raqam mojood hai. Taham itni badi naqad raqam ko apne paas rakhnay ke bajaye unhoun ne usay muqami hukkaam ke hawalay kar diya. Mutaliqa idaray ke Major Scot musir ne kaha ke itni badi raqam ko hukkaam ke hawalay karna ek bohat ghair mamooli amal hai ju is khandan ne kiya. Hamein fakhr hai ke aisi imandari dikha kar country ki numaindagi karte hai. Is barey mein Emily Schantz ne kaha ke un ke khandan ne wahi kiya jis ko wo durust samajte hain. Kyunkay wo raqam waisay bhi hamari nahi thi.
Hukkaam ne kaha ke inhen abhi ye nahi maloom ke wo raqam sadak tak kaise pohanchi, Lekin un ka maanna hai ke wo Bank mein jama karwanay ke liye le jayi ja rahi hogi. Hukkaam ke mutabiq naqad raqam ke dono bags ko post office bhejwa diya gaya tha, Ju is ko apne manzil tak pohan chayega. –YTN STAFF