Surat: Gujarat ke shehar Surat ke qareeb alamnaak waqea mein aaj subah truck ki zad mein aakar 15 musafir mazdoor jo sadak ke kinare so rahay thay, Halaak hogaye.
Police ne kaha ke yeh waqea surat se 60 kilometer door waqay ko samba gaon ke qareeb aaj subah saweray paish aaya. Kammnoy sadak par ek dimper truck soye hue mazdooron ke upper chadh gayi jis se 12 afraad mauqa par hi jaan bahaq hogaye. kuch zakhmi mazdooron ko qareebi dawakhana muntaqil kardiya gaya hai.
Police ne kaha ke zakhmion mein se aath mein se teen zakhamo ki taab nah laatay hue ilaaj ke douran halaak hogaye.
Mukhalif simt se aanay walay tractor trolley se latkay hue gannay se takrayi jis se truck driver gaadi ka control khodiya.
Surat ke SP usha ne kaha ke truck ke samnay ki khidki ka sheesha mutasir hua aur Is se driver samnay ka manzar saaf deekhaee nahi diya. Driver ko hirasat mein liya gaya hai. tamam mutasireen ka taaluq rajsthan ke banswada se hai.
Wazeer-e-Azam Narendra modi ne is waqeye par gham ka izhaar kiya aur unke daftar ne tweet kiya jis mein kaha gaya ke surat mein truck haadsay ke nateejay mein jani nuqsaan afsoosnaak hai. Hum ghamzada khandano ke sath hain. Dua hai ke zakhmion ki jald sehat yabi hojaye. alawa azeen Wazeer-e-Azam modi ne mutasirah afraad ke lawahiqeen ke liye 2 laakh aur har zakhmi mazdoor ko 50,000 madad dainay ka elaan kiya hai.