Vishakhapatnam: Sabiq rukan Assembly Janardhan Thotraj alalat ke sabab chal basey. Un ke arkaan khandan ney kaha kay dil ka dora ke ilaaj ke douran wo Vishakhapatnam ke ek hospital mein aaj subah chal basey. Unhoun ney Kurupam halqa ki qabal azeen numaindagi ki thi. Un ki mout ki ittila par Telugu Desam Party ke qaumi sadar Chandrababu Naidu o party ke qaumi general secretary Nara Lokesh ney gehray dukh ka izhaar kiya. Unhoun ney apne taziyati payam mein kaha ke Janardhan ney Vijayanagaram zila mein Telugu Desam ko mustahkam karne ke liye kaafi masaayi ki thi. Un dono rehnmaon ney un ke ghamzadaa arkaan khandan se dili taaziyat ka izhaar bhi kiya.