Hyderabad: Mangal ko der raat gaye hue ek waqeye mein sabiq hockey khiladi parveen rao aur iske 2 rishtedaaron ko Bowenpally se aghwa kiya gaya tha jiski asal wajah mubayyana tor par zameen ka tanaza hai.
Police ki janib se taiz raftaar karwai ki gayi aur raat mein hi un teenu afraad ko Bazyab karwaya gaya.
Is aghwa ke muqadma mein kam az kam aath afraad ko tehweel mein liya gaya. police ke mutabiq, ye aath afraad rao ke ghar pohanche aur income tax ohdedaron ke tor par apna taaruf karwaya. jiske baad ghar mein talashi lainay ke bahanay, teen karon mein aaye gang ne ghar se mukhtalif dastawizaat, laptop aur deegar sazu samaan akhatta kiya. Is giroh ne khandan ke afraad ko alag kardiya aur parveen, Naween aur sunil ke alawa baqi arkaan ko ghar ke ek kamray mein band kardiya.
Parveen, Naween aur sunil ko hall mein bethnay ko kaha gaya. Bowenpally police ne mazeed kaha ke gang ghar se niklne ke douran groh ne zabardasti ghar se parveen, Naween aur sunil ko apnay sath bahar nikala aur inhen apni gadiyon mein bandh diya. Khandan ke afraad ne dosray rishtedaaron ko aagah kiya jinhen IT ke chaapay ke baray mein shuba hua aur unhon ne kuch rabton se muaina kiya. baad mein aadhi raat ke lag bhag unhon ne bowenpally police se rabita kiya jis ne senior ohdedaron ko mutnabba kiya.
Commissionaire task force ki teamon ne raam gopal pet par is giroh ko pakda aur tenu afraad ko bachaya. maloom hua hai ke zameen se mutaliq kuch umoor ki wajah se yeh aghwa ka maamla hua hai.