New Delhi: Uttar Pradesh aur Uttarkhand ke sabiq governor Dr Aziz Qureshi Uttar Pradesh mein qaumi shehriat tarmeemi qanoon, NRC aur NPR ke khilaaf tehreek chalanay wali muhim’ ‘ Ayeen bachao mulk bachao’ ‘ ka sarparast ban-na qubool karliya hai. Ye baat unhoun ne samaji karkun Ameeq Jameye aur Ramish Dikshet ko maktoob mein kahi hai.
Unhoun ne maktoob mein kaha hai ke Lacknow mein shuru honay walay CAA, NRC aur NPR ke khilaaf aur Uttar Pradesh mein jari tehreek ayeen mulk bachao muhim ki behas pooray mulk mein hai. Mujhe akhbarat ke zariye maloom huva ke is muhim ne aaeni mafadaat ke liye, Barabari aur qaumi ittehaad ke liye par aman a war jamhoori tareeqay se Uttar Pradesh mein tehreek ki shuruvaat ki hai.
Decemeber 19 ko jis terhan se Lacknow tehreek mein tashadud ko riyasat ki taraf se himayat haasil hui, Ye zahir karta hai ke hukoomat mukhalifat ki aawaz aur jamhoori tareeqay se par aman tehreek ke haq ko chenna chahti hai. Ayeen bachao mulk bachao muhim ne is ke baad ek qanooni jamaat bana kar kamzor ghareeb khandano ke masoom logoun ko Lacknow mein chhudanay ka bhi kaam kiya. Un sab ke liye mein aap sab logoun ki bohat mubarakbaad dena chahta hon. Ayeen bachao Convening committee ki taraf se mujh se ye kaha gaya hai, Ke mein muhim ke sarparast ke kirdaar mein aap logoun ke sath aon.
Meri poori zindagi hindustan ke qaumi ittehaad, Ayeen ke liye aur jamhoriat ke liye guzri hai. Mein aap se sirf itna kehna chahta hon ke Uttar Pradesh mein aap ke sath jo agli giraftari hogi wo aap ki tehreek mein sab se pehlay meri hogi. Aap jahan jahan mujhe bulayen ge Uttar Pradesh ke konay konay mein mein aap logoun ke sath sab se agay chaloon ga aur mein Uttar Pradesh ke bashindoun se kehna chahta hon ke is qanoon ke khilaaf jad-o-jehad mein aap ne usay adam tashadud ke rastay Do and Die ( karo aur maru ) ki terhan is ladai ko khada kar diya hai.
Agar aap aaj nahi lad paye, Jad-o-jehad nahi kar paye to RSS aur BJP is mulk mein majboroun, Ghareebon, Be zamiinoun aur bilkhushoos musalmanoun ko is mulk mein dosray darjay ka shehri bana day gi. Gandhi, Patel Nehru, Lohya, Ambedkar aur Maulana Abdul Kamal Azad ke mulk ko dobarah seculer bananay ke liye aap sab pur aman, Adam tashadud tareeqay se is siyah qanoon ke khilaaf, Is siyah qanoon ke khilaaf dileri se agay badhen. Mein khaas tor par Shaheen Bagh ke baad khareji, Selampur, Allahabad aur ab Lacknow ke Ghanta Ghar ki betiyan aur maaon ko salam karna chahta hon.
Apne tajarbay se batana chahta hon ke duniya ki tareekh mein jis mulk mein khawateen ne tehreek mein shirkat ki hai, Is mulk mein duniya ki tareekh mein tabdeeli aayi hai! mein aap sab ka shukar guzaar hon aur mujhe khushi hogi, Is jung mein mein aap sab ke sath kaam kar sakun aur bator sarparast mein aap sab ke sath hon. Aap ka Aziz Qureshi. –YTN STAFF