New Delhi: Sabiq Hindustani Cricketer Gautam Gambhir Bhartiya Janta Party (BJP) mein shaamil ho gaye hain. Markazi Wuzra Arun Jaitley aur Ravi Shankar Prasad ki mojoodgi mean Gautam Gambhir ney BJP mein shamoliat ikhtiyar kar li. Is douran unhon ney kaha ke woh Wazir e Asam Narendra Modi se kaafi mutasir huwe hain. is mauqa par Arun Jaitley ney kaha ke BJP ab kaafi wasee ho gayi hai. Hum jeetney ki haalat mein hain.
Arun Jaitley ney kaha ke Gautam Gambhir mashhoor naam hai. kayi Saaloon se Cricket kheiltay rahay hain, aur bohat naam kamaya hai aur baada maqam banaya hai. Delhi mein peda huwe aur yahi par taleem haasil karne walay Gautam Gambhir ney Cricket ke har shoba mein achay khel ka muzahira kiya. Ab woh BJP mein shaamil huwe hain. Usay hum party ke liye ahem mantay hain. Unkee salahiyaton se party istifada kere gi.
BJP mein shamoliat ikhtiyar karne ke baad Gautam Gambhir ney kaha ke Party ney mujhe kuch Special karne ka mauqa diya hai. Jis ke liye mein sabhi ka shukarguzar hon. Mein ney Wazir e Azam Narendra Modi se mutasir ho kar party mein shaamil honay ka faisla kiya.
Gautam Gambhir ke intekhab ladney se mutaliq sawal par Arun Jaitley ney kaha ke jo party kahe gi, wohi karen ge.
14 October 1981 ko Delhi mein peda huwe Gautam Gambhir Padam Shree, aur Arjuna Award mil chuka hai. Unhon ney Cricket ke maidan mein to kaafi record banaye hain, ab dekhna hai ke siyasi maidan mean kitna kamiyaab ho te hain.