Hyderabad : City police ney sarqoun ki bain ul riyasati Pardi Gang ke teen afraad, jo 12 se zayed muqadmaat mein matloob the. jin mein do khawateen aur ek mard shaamil hai. Madhya pradesh mein muqeem gang se police ney 600 gram sona aur 2 Kilo chandi bhi qabzay mein le liya hai.
26 July 35 saala Manisha, 33 sala Ali Raza Khan aur 45 sala Roopa bayi tenu mulzimaan, P Satish reddyb ke ghar kitchen ka darwaaza toad kar daakhil hue aur sonay ke zevarat, heere ki angothi aur naqad raqam chori karli, jis ki jumla qeemat 1,40,000 thi.
Hyderabad city police commissionaire Anjani kumar ney kaha ”is silsila mein Telangana ke Osmania University PS mein dafaa 454 aur 380 ke tehat muqadma darj kiya gaya hai. police team ney jaye wuqoo ka dora kiya aur shawahid ikathay kiye.
1st August ko police ki ek team Madhya pradesh ke bhopal gayi aur 4 August ko mushtaba mulzimon ko pakad kar Osmania University police station laya 5 August ko police ney unke qabza se chori shuda maal Bar aamad kia aur inhen adalti tehweel mein bhaij diya.
Mulzimaan ney hyderabad, Rachakonda, cyberabad, Warangal commissioner se mutaliq 12 muqadmaat ka aitraaf kiya. mazkoorah Pardi gang 6 logon par mushtamil hai, jis mein manisha markazi ka ahem rule hai. aur manisha ek ya 2 afraad ke sath jurm ko anjaam deti hai. aam tor par woh railway station ke qareebi ilaaqon mein jaakar choriyan karte hain.
Is group ke deegar teen arkaan, Madhya pradesh ke bhopal, Bersia town ke avindha gaon ke rehaishi hain jo fil haal mafroor hain.
Yeh mulzimaan 2004 se jurm kar rahay hain aur inhen aaj tak kahin bhi girftar nahi kiya gaya tha. Anjani kumar ney bataya ke un mluzimin ke khilaf Osmania university, qaazi pet, kanchan baagh ( hyderabad ), Malkajgiri, musheerabad, langar house, chanda nagar ( Cyberabad ), Bowenpally, KPHB ( cyberabad ), aur Andhra Pradesh mein muqadmaat darj hain. –YTN STAFF