Hyderabad : Cheif secretary SK Joshi ne aaj kaha ke riyasat mein ab tak 40 feesad bearish hui hai. aur august mein fasloun ke bhedne ke liye ziyada barish ki zaroorat hai. unhoun ne kaha ke reyasti hukoomat har kisaan ko 2271.50 ke premium ada karne ke liye LIC ko 704.16 crore rupay ada karne ke iqdamaat karegi.
Rythu Bhima scheme ka zikar karte hue, jo 13 august ko khatam hojayegi, joshi ne kaha ke lag bhag 30.92 laakh kisanoun ne apne naam darj karay hain.
secretariat ke hukkaam ke sath jaiza ijlaas ke douran cheif secretary ne’ Rythu Bandhu ‘ ke tehat kisanoun ke liye barsaat ka mausam, bad-tareen barish, fasloun ki hifazat, fasloun ke liye pani ki zaroorat aur kisanuon ko imdaad ki zaroorat par baat ki. unhoun ne bataya ke kisanoun ne lag bhag 27,64,744 hectare par faslein boyi hain. chunkay August ke mahinay mein pichlle mahino ke muqaabla mein ziyada barish honay ki umeed hai.
Unhoun ne kaha ke muqami hukkaam ko dehi satah par beejoun aur khaadoun ke Bar waqt farahmi ke sath fasloun ki hifazat ke liye rahnumai karni chahiye.
Unhoun ne umeed jatayi ke august mein umeed ke mutabiq achi barish ho sakti hai. jis se fasloun ko faida hoga .
Joshi ne kaha ke riyasat mein 317.2 mili meter barish ke muqaabla sirf 200.2 mili meter barish hui hai. is mauqa par principal secretary of Revenue Rajeshwar tiwari, principal secretary of finance ke Rama Karishna Rao, principal secretary of agriculture C Partha Sarthi, IMD director , YK reddy wo deegar moujood the.
– YTN STAFF