New Delhi: Congress ke sabiq sadar Rahul Gandhi ne jumaraat ko wazeer aazam Narendra Modi par mulk mein ”Markazi Herasati“ na honay ke baray mein diye gaye bayan par Modi ko tanqeed ka nishana banaya aur kaha ke ”RSS ke wazeer aazam, Bharat Mataa se jhoot boltay hain. Assam ke herasti markaz se mutaliq ek khabar share karte hue Rahul Gandhi ne Twit kiya ”Dar haqeeqat haal hi mein, Wazeer aazam Modi ne Delhi ke Ram Lila maidan mein munaqidah ek rally mein kaha tha ke, Mulk mein herasti markaz ke baray mein jo afwahen phailai ja rahi hain, wo sara sar jhoot hai. Congress quied ne jo khabar share ki hai is ke mutabiq, Assam mein ek herasti markaz hai.
Wazeh ho ke, Ram Lila maidan mein us rally se khitaab karte hue wazeer aazam Narendra Modi ne itwaar ke roz oppostion par ilzaam lagaya ke wo taqseem aur hukmarani, Ki bunyaad par logoun me khauf phela rahay hain. Aur nazar sani shuda shehriat tarmeem qanoon ( CAA ) par tashadud ko farogh day rahay hain.
Modi ne baday pemanay par muzahiroun ke douran is mauzo se wabsta khadshaat ko daur karne ki koshish ki aur kaha ke is qanoon aur NRC, Ka hindustani musalmanoun se koi talluq nahi hai. Is shehriat tarmeemi qanoon ka mazbooti se difaa karte hue wazeer aazam ne rally se khitaab karte hue kaha ke ”Ye qanoon padosi mumulik ( Pakistan . Afghanistan aur Bangladesh ) mein mazloom aqlitoun ke tahaffuz ke liye hai aur ye kisi fard ke haqooq ko nahi cheenney ga“. Unhoun ne awam se aman ki appeal ki.
Wazeer aazam ne Congress aur is ke itihadiyoun aur shehri naxalioun par ilzaam lagaya ke wo afwahen phela rahay hain ke musalmanoun ko herasti markaz bhaij diya jayega. Unhoun ne kaha ke is qanoon ka hindustani shehrioun se loi lena dena nahi hai.
Rahul Gandhi ne Assam ke Matia showinbg barrack jaisay taamer se mutaliq ek news video report munsalik ki, Jo bazahir muhajreen ke liye herasti markaz ke tor par istemaal hogi. Jis ki takhmini laagat 46 crore rupiye hai. Mazkorh video mein Shah jahan Ali nami ek samaji karkun ko dekhaya gaya hai, Ke ye camp Matia mein 46 crore rupiye ki laagat se banaya ja raha hai aur wazeer aazam is se mutaliq jhoot bol rahay hain.
Video mein Modi ko ye kehte hue bhi dekhaya gaya hai ke ”Congress aur shehri Nexalioun“ Afwahe aur ghalat fehmiya phela rahay hain ke Assam mein mulk ko tabah karne ke ghalat iraday se camp banaya ja raha hai. Modi ko ye kehte hue bhi suna ja sakta hai ke is muamlay mein congress party ke zareya phailai jany wali maloomat jhoot hain. Mutanazia National Register of Citizen ( NRC ) aur Shehriat Tarmeemi Act ( CAA ) ke khilaaf mulk geer ehtijaj horaha hai. Mulk bhar mein police ki firing se mutadid muzahireen halaak hogaye hain, Ehtijaj par tashadud hogaya hai. –YTN STAFF